Tillaga að breytingu aðalskipulags Norðurþings 2010-2030 og breytingu deiliskipulags Holtahverfis á Húsavík
Tillaga að breytingu aðalskipulags Norðurþings 2010-2030 og breytingu deiliskipulags Holtahverfis á Húsavík
Sveitarstjórn Norðurþings auglýsir hér með til almennrar kynningar eftirfarandi skipulagstillögur og tilheyrandi umhverfisskýrslur.
-
Breyting aðalskipulags íbúðarsvæðis Holtahverfis á Húsavík (Í13). Meginmarkmið tillögu að breytingu aðalskipulags er að samræma afmörkun íbúðasvæðis Í13 í deiliskipulagi og aðalskipulagi. Við það stækkar svæðið úr 13,8 ha í 15,8 ha í aðalskipulagi. Ennfremur er gengið út frá fjölgun íbúða á svæðinu úr allt að 55 í allt að 75. Skipulagstillagan ásamt greinargerð og umhverfisskýrslu er sett fram á einu blaði í stærð A2.
-
Breyting deiliskipulags Holtahverfis. Skipulagstillagan felst í að 13 óbyggðum einbýlishúsalóðum á s.k. E-svæði er breytt í parhúsalóðir og nýtingarhlutfall þeirra hækkað úr 0,3 í 0,35. Ennfremur yrðu leyfðar sex íbúðir á tveimur óbyggðum raðhúsalóðum við Lyngholt. Þakhæð einbýlishúsa og parhúsa E-svæðis verði allt að 5,5 m. Gatnakerfi er nánast óbreytt frá gildandi deiliskipulagi, en lóðarmörkum er lítillega hnikað til á þeim lóðum sem breytt er til parhúsa. Skipulagstillagan ásamt greinargerð er sett fram á einu blaði í stærð A1.
Skipulagstillögurnar verða til sýnis á sveitarstjórnarskrifstofu Norðurþings að Ketilsbraut 7-9 á Húsavík frá 13. febrúar 2017 til og með 27. mars 2017. Ennfremur verður hægt að skoða skipulagstillögurnar á heimasíðu Norðurþings (nordurthing.is). Þeim sem eiga hagsmuna að gæta er gefinn kostur á að gera athugasemdir við tillögurnar til og með mánudeginum 27. mars 2017. Skila skal skriflegum athugasemdum til sveitarstjórnarskrifstofu Norðurþings að Ketilsbraut 7-9 á Húsavík. Þeir sem ekki gera athugasemdir við tillögurnar teljast þeim samþykkir.
Hér má sjá deiliskipulagstillöguna
Hér má sjá aðalskipualgsuppdráttinn
Gaukur Hjartarson
Skipulags- og byggingarfulltrúi