Hafnarstjórn

Árið 2006, mánudaginn 28. ágúst, kom Hafnarstjórn Norðurþings saman til fyrsta fundar á bæjarskrifstofunni og hófst fundur kl. 14⁰⁰.

 

Fundinn sátu:

Jón Helgi Björnsson, formaður

Hannes Höskuldsson

Þráinn Gunnarsson

 

Gaukur Hjartarson  framkvæmdastjóri ritaði fundargerð

 

Fundargerð er rituð í tölvu blaðsíður 1-2.

 

Jón Helgi setti fund og bauð fundarmenn velkomna.

 

1.      Verkefni Hafnarstjórnar

 

Framkvæmdastjóri kynnti verksvið hafnarstjórnar. 

 

2.      Yfirlit yfir hafnir í umsjón sveitarfélagsins

 

Framkvæmdastjóri fór yfir hafnir í umsjón sveitarfélagsins.

a) Húsavíkurhöfn: Kynnt var staðan við framkvæmdir sumarsins og fyrirhugaðar framkvæmdir við endurbætur hafnarinnar.

 

b) Kópaskershöfn: Kynnt var staða mála í höfninni. Þar kom fram að umtalsverður sandburður er inn í höfnina. Þokkalegt ástand er á mannvirkjum hafnarinnar. Vinnuaðstaða hafnarvarðar er í litlum og lélegum skúr og þyrfti að bæta þá aðstöðu. Löndunarkrani er 20 ára gamall vinkilkrani.

 

c) Raufarhafnarhöfn: Kynnt var staða mála. Unnið hefur verið að uppbyggingu/lagfæringu bryggju fyrir björgunarbát í sumar. Vinnuaðstaða í húsi fyrir hafnarvörð er ófullnægjandi.

 

d) Flateyjarhöfn: Framkvæmdastjóri kynnti stöðu hafnarinnar í Flatey.

 

3.      Stóriðjuhöfn

 

Framkvæmdastjóri kynnt hugmyndir Alcoa um flutninga að fyrirhuguðu álveri við Bakka.

Framkvæmdastjóra falið að hefja viðræður við Siglingastofnun um frumhönnun hafnarmannvirkja sem þjóna þörfum Alcoa.

 

4.      Endurbætur smábátahafnar

 

Kynnt var hugmynd Siglingastofnunar að endurbótum smábátahafnar. Umhverfis- og framkvæmdaráð Húsavíkurbæjar fjallaði um aðra tillögu Siglingastofnunar á fundi þann 19. apríl s.l. og lagði þá til á henni tilteknar breytingar. Siglingastofnun hefur nú lagt fram aðra hugmynd þar sem tekið er tillit til hugmynda Umhverfis- og framkvæmdaráðs. 

Hafnarstjórn fer fram á að verkinu verði hraðað eins og unnt er skv. framlögðum teikningum.

 

5.      Hafnasambandsþing 2006

 

35. hafnasambandsþing Hafnasambands sveitarfélaga verður haldið á Hótel Höfn, Hornafirði dagana 12.-13. október n.k. Samkvæmt 4. gr. laga hafnasambandsins kjósa hlutaðeigandi hafnarstjórnir eða sveitarstjórnir fulltrúa á hafnasambandsþing og skal fulltrúafjöldi miðast við árstekjur skv. ársreikningi hafnasjóðs. M.v. tekjur hafna Norðurþings skal hafnarstjórn tilnefna tvo fulltrúa á þingið.

Stefnt er að því að senda tvo fulltrúa á þingið og verða þeir tilnefndir síðar.

 

6.      Tölvupóstur frá Stefáni Guðmundssyni

 

Framkvæmdastjóri kynnti tölvupóst sem borist hefur frá Stefáni Guðmundssyni, framkvæmdastjóra Gentle Giants Whale Watching. Ásamt sögulegu yfirliti yfir framkomu hafnaryfirvalda við Stefán koma þar fram fjórar fyrirspurnir.

Framkvæmdastjóra falið að svara fyrirspurnum Stefáns til samræmis við umræður á fundinum.

 

Fleira ekki bókað og fundi slitið kl. 16³⁰.

 

 

 

Jón Helgi Björnsson     

Hannes Höskuldsson                             

Þráinn Gunnarsson     

Gaukur Hjartarson