Æskulýðsnefnd Norðurþings

1.

201009057 - Sundlaug Húsavíkur, Árni Bergmann með kynningu á ósoneringu.

Árni Bergmann og Rögnvaldur Guðmundsson frá fyrirtækinu Raf á Akureyri komu á fundinn og kynntu tæki og tækni til ósoneringar.

Sveinn Rúnar Arason frá Sundlaug Húsavíkur kom einnig á fundinn.

Æskulýðsnefnd þakkar fyrir greinagóða kynningu.

2.

201009067 - Sundstaðir í Norðurþingi.

Æskulýðsfulltrúa falið að tryggja að reglugerðum varðandi mælingar og skráningar, sem og öðrum reglugerðum er um sundstaði gilda, sé fylgt eftir í hvívetna.

3.

201009061 - Leikvellir í Norðurþingi-útekt

Æskulýðsfulltrúi fór yfir stöðu mála vegna úttektar á leikvöllum. Gögn verða send nefndarmönnum er úttekt lýkur.

4.

201009064 - Stofnun ungmennaráðs Norðurþings - markmið og leiðir

Æskulýðsfulltrúa falið að semja drög að erindisbréfi fyrir Ungmennaráð Norðurþings.

5.

201009066 - Ungmennahúsið Tún. Kynning á framkvæmdum.

Æskulýðsfulltrúi kynnti fyrirhugaða starfssemi í Túni. Æskulýðsnefnd fagnar því að Ungmennahúsið Tún sé komið í notkun og lýsir yfir ánægju með störf þeirra sem að málinu koma.

6.

201009065 - Kynning á forvarnarmálum.

Æskulýðsfulltrúi fór yfir skipan mála í forvarnarmálum innan sveitarfélagsins. Ingólfur Freysson sagði frá forvarnarsamning Íþróttafélagsins Völsungs og Framhaldsskólans á Húsavík. Æskulýðsnefnd telur brýnt að forvarnarmálum sé sinnt af einurð og alúð.

7.

201009063 - Hugmyndir að byggingu gervigrasvallar á Húsavík.

Æskulýðsnefnd leggur það til við Byggðaráð að ástand efri vallar verði kannað og kostnaðaráætlun gerð með uppbyggingu gervigrasvallar í huga.

8.

201009062 - Undirbúningur vegna byggingar sparkvalla á Raufarhöfn og á Kópaskeri.

Æskulýðsnefnd leggur það til við Byggðaráð að gerð verði kostnaðaráætlun vegna byggingar sparkvalla á Kópaskeri og á Raufarhöfn. Æskulýðsfulltrúa falið að fá ungmennafélögin Snört og Austra til samstarfs.

9.

201009014 - Mfl. Völsungs í knattspyrnu, framtíðarsýn

Æskulýðsnefnd leggur til við Byggðaráð að Íþróttafélaginu Völsungi verði veittur fjárstyrkur að upphæð 1.500.000 krónur. Styrkurinn verði skilyrtur við rekstur meistaraflokka félagsins á yfirstandandi rekstrarári.

10.

201007035 - Icefitness ehf. ósk um styrk vegna skólahreysti

Æskulýðsnefnd hafnar erindinu.

11.

201009082 - Styrkumsókn. Sigurður Unnar Hauksson

Æskulýðsnefnd óskar Sigurði Unnari til hamingju með Íslandsmeistaratitilinn í skeet-leirdúfuskotfimi. Æskulýðsnefndin styrkir Sigurð Unnar um 30.000 krónur.