1. fundur bæjarstjórnar Norðurþings
haldinn í stjórnsýsluhúsi Norðurþings,
þriðjudaginn 25. janúar 2011 og hófst hann kl. 16:15
Fundinn sátu:
Gunnlaugur Stefánsson, Jón Grímsson, Hólmfríður Soffía Helgadóttir, Hjálmar Bogi Hafliðason, Jón Helgi Björnsson, Olga
Gísladóttir, Trausti Aðalsteinsson, Friðrik Sigurðsson, Þráinn Guðni Gunnarsson, Bergur Elías Ágústsson, Guðbjartur Ellert
Jónsson,
Fundargerð ritaði: Guðbjartur Ellert Jónsson, Fjármálastjóri - staðgengill bæjarstjóra
Dagskrá:
1. 201012086 - Samningur sveitarfélaga í Þingeyjarsýslu um málefni fatlaðra
3. liður í
fundargerð 139. fundar byggðarráðs frá 29. desember 2010.
Byggðarráð leggur til við sveitarstjórn að fyrirliggjandi samningur, milli sveitarfélaganna í Þingeyjarsýslum, um málefni fatlaðra
verði samþykktur.
Til máls tók: Bergur
Tillagan samþykkt samhljóða.
2. 201010041 - Félags- og tryggingamálaráðuneyti, samkomulag um fjármögnun og byggingu íbúða fyrir
geðfatlaða
6. liður í fundargerð 139. fundar byggðarráðs frá 29. desember 2010.
Byggðarráð leggur til við sveitarstjórn að fyrirliggjandi samningur um fjármögnun íbúða fyrir geðfatlaða verði
samþykktur.
Til máls tók: Bergur
Tillagan samþykkt samhljóða.
3. 201012069 - Hluthafafundur Sorpsamlags Þingeyinga
8. liður í fundargerð 139. fundar byggðarráðs frá 29. desember
2010.
Byggðarráð leggur til við sveitarstjórn að hlutafjáraukning í Sorpsamlagi Þingeyinga að upphæð 57 m.kr. verði samþykkt
í samræmi við eignarhlut Norðurþings í félaginu eða um allt að 37 m.kr.
Til máls tók: Jón Helgi.
Tillagan samþykkt samhljóða.
4. 201101011 - Fiskeldið Haukamýri ehf. óska eftir stækkun lóðarinnar, Haukamýri 150816.
3. liður í
fundargerð 72. fundar skipulags- og byggingarnefndar frá 12. janúar 2011.
Erindinu fylgir tillaga að hnitsettum lóðaruppdrætti.
Skipulags- og byggingarnefnd leggur til við sveitarstjórn að lóðabreytingin verði samþykkt eins og hún er lögð fram enda afmörkun
lóðar í samræmi við aðalskipulag.
Tillagan samþykkt samhljóða án umræðu.
5. 201101016 - Stefán Óskarsson óskar eftir samþykki fyrir stofnun og útskiptingu lóða úr Rein, Reykjarhóli og
Stóru-Reykjum
4. liður í fundargerð 72. fundar skipulags- og byggingarnefndar frá 12. janúar 2011.
Óskað er eftir samþykki Norðurþings fyrir stofnun eftirfarandi fjögurra lóða:
A. 8.269 fm lóðar undir trésmíðaverkstæði Sagarinnar (fnr. 221-7408 ) út úr jörðinni Stóru Reykjum (lnr. 154.026)
B. 3.636 fm lóðar undir trésmíðaverkstæði Trésmiðjunnar Reinar (fnr. 221-4468 ) út úr Rein (lnr. 154.010)
C. 1.344 fm lóðar undir útihúsum (fnr. 216-5149) að Reykjahóli (lnr. 154.008)
D. 1.286 fm lóðar undir íbúðarhúsi og bílskúr (fnr. 230-0803) að Reykjarhóli ( lnr. 154.008)
Meðfylgjandi erindinu eru hnitsettir uppdrættir allra lóðanna.
Skiðulags- og byggingarnefnd leggur til við sveitarstjórn að stofnun lóðanna fjögurra verði samþykkt.
Tillagan samþykkt samhljóða án umræðu.
Gunnlaugur Stefánsson vék af fundi undir þessum lið.
6. 201101017 - Trésmiðjan Rein ehf. sækir um stöðuleyfi fyrir gistieiningar í suðurfjöru á Húsavík
5.
liður í fundargerð 72. fundar skipulags- og byggingarnefndar frá 12. janúar 2011.
Óskað er eftir stöðuleyfi til allt að 15 ára fyrir allt að 10 smáhýsum í Stangarbakkafjöru á Húsavík.
Meðfylgjandi erindi er afstöðumynd og rissmynd/hugmynd af fyrirhuguðum húsum.
Meirihluti skipulags- og byggingarnefndar leggur til við sveitarstjórn að erindinu verði hafnað enda er það ekki í samræmi við aðalskipulag og
deiliskipulag svæðisins.
Til máls tóku: Hjálmar Bogi, Jón Grímsson og Friðrik.
Tillaga meirihluta skipulags- og bygginganefndar samþykkt með atkvæðum Jóns Helga, Olgu, Jóns Grímssonar, Hjálmars Boga, Soffíu og
Þráins.
Friðrik og Trausti sátu hjá við atkvæðagreiðsluna.
Gunnlaugur Stefánsson vék af fundi undir þessum lið.
7. 201009023 - Fjárhagsáætlun Norðurþings - 2011
2. liður í fundargerð 3ja fundar bæjarráðs frá
20. janúar 2011.
Bæjarráð vísar fjárhagsáætlun samstæðu Norðurþings fyrir árið 2011 til seinni umræðu í
bæjarstjórn.
Til máls tóku: Bergur, Jón Helgi, Friðrik, Hjálmar Bogi, Soffía, Gunnlaugur og Þráinn.
Eftirfarandi er bókun meirihluta bæjarstjórnar:
"Fyrir liggur, til seinni umræðu, fjárhagsáætlun Norðurþings fyrir rekstrarárið 2011. Þetta er þriðja árið í
röð sem umtalsverð óvissa er um þróun tekna sveitarfélagins. Nú sem áður hefur bæjarstjórn Norðurþings, við
gerð áætlunarinnar reynt að verja grunnþjónustu við íbúa og fyrirtæki í sveitarfélaginu. Fyrir tæpum þremur
árum, nánar tiltekið við hrun íslenska bankakerfisins var farið í umfangsmiklar aðhaldsaðgerðir í rekstri. Þær aðgerðir
hafa skilað góðum árangri og ber sérstaklega að þakka starfsmönnum sveitarfélagsins fyrir góð störf á erfiðum
tímum.
Lægri tekjur og óvissa um þróun tekna gerir það að verkum að nauðsynlegt er að gæta áfram aðhalds. Breytingar hafa
m.a. verið gerðar á samþykktum sveitarfélagsins með þeim hætti að starfsemi hafna og framkvæmda- og þjónustusvið
Norðurþings verður sameinað undir eina yfirstjórn.
Lausafjárstaða sveitarfélagsins er góð og svigrúm til fjárfestinga og viðhalds eigna. Forgangsröðun verkefna mun líta dagsins
ljós á næstu vikum.
Það sem skiptir öllu máli varðandi rekstur sveitarfélagins til framtíðar er kröftugt atvinnulíf, góð aðstaða til menntunnar,
öflug heilbrigðisþjónusta og ríkt menningarlíf. Orkufrekur iðnaður með 700 til 800 störfum mun stuðla að slíkri þróun
í Þingeyjarsýslum. Af þessu verður aðeins með stuðningi ríkisvaldsins, sem að mati meirihluta bæjarstjórnar hefði mátt
vera meiri og markvissari.
Þrátt fyrir mótbyr er það trú meirihluta bæjarstjórnar að með hugrekki, samstöðu og vönduðum vinnubrögðum munum
við ná að lenda farsællega því mikla verkefni sem við stöndum frammi fyrir, þ.e. skapa atvinnu og hagvöxt, Þingeyingum til
hagsbóta".
Gunnlaugur Stefánsson - sign
Jón Helgi Björnsson - sign
Olga Gísladóttir - sign
Jón Grímsson - sign
Hjálmar Bogi Hafliðason - sign
Soffía Helgadóttir - sign
Þráinn Gunnarsson - sign
Fyrirliggjandi fjárhagsáætlun Norðurþings fyrir árið 2011 samþykkt með atkvæðum Gunnlaugs, Jóns Helga, Olgu, Jóns
Grímssonar, Hjálmars Boga, Soffíu og Þráins.
Friðrik og Trausti sátu hjá við atkvæðagreiðsluna.
8. 201101040 - Skúlagarður
3. liður í fundargerð 3ja fundar bæjarráðs frá 20. janúar 2011.
Bæjarráð leggur til við sveitarstjórn að eignarhlutur sveitarfélagsins í félagsheimilinu Skúlagarði verði lagður inn sem
hlutafé í óstofnað hlutafélag sem hefur það að markmiði að endurbyggja Skúlagarð til eflingar ferðaþjónustu í
héraði.
Til máls tóku: Bergur, Gunnlaugur, Friðrik, Soffía, Jón Helgi, Olga og Jón Grímsson.
Tillagan samþykkt samhljóða.
9. 201101063 - Atvinnuuppbygging í Þingeyjarsýslum
Erindi frá meirihluta bæjarstjórnar Norðurþings lagt fram fyrir
fundinn.
Til máls tóku: Jón Helgi, Hjálmar Bogi, Þráinn, Friðrik, Soffía, Trausti, Jón Grímsson, Gunnlaugur og Bergur.
Bæjarstjórn Norðurþings lagði fram eftirfarandi bókun:
"Í yfir áratug hafa íbúar í Þingeyjarsýslum unnið markvisst að því að efla atvinnustig í héraði. Megin
markmið þessarar vinnu hefur verið að snúa við þeirri neikvæðu byggða- og atvinnuþróun sem átt hefur sér stað í
Þingeyjarsýslum undanfarna tvo áratugi. Á þessari vegferð hafa Þingeyingar, í samstafi við hlutaeigandi aðila, lagt mikið undir í
orkurannsóknum á háhitasvæðum, skipulagi fyrir virkjanir, vegi, línulagnir , hafnaframkvæmdir og iðnaðarlóðir svo eitthvað sem
nefnt.
Þessi vinna hefur leitt til þess að 525 MWe hafa farið í gegnum skipulags- og umhverfisferli í Þingeyjarsýslum. Mestur hluti þessarar vinnu
hefur verið unnin í samvinnu við ríkisfyritækið Landsvirkjun með það að markmiði að skapa 700 til 800 störf í
Þingeyjarsýslum tengdum uppbyggingu á orkufrekum iðnaði. Markmið sem stendur óhaggað enn þann dag í dag, markmið sem Þingeyingar munu
standa vörð um.
Bæjarstjórn Norðurþings lýsir yfir vonbrigðum með að ekki hafi enn verið látið reyna á samninga við þá aðila
sem álitlegastir eru samkvæmt niðurstöðu Naustnefndarinnar frá 5. maí 2010. Nefndin var skipuð á grundvelli viljayfirlýsingar milli
Iðnaðarráðuneytisins fyrir hönd ríkistjórnar Íslands, Skútustaðahrepps, Þingeyjarsveitar og Norðurþings.
Það er ófrávikjanleg krafa Þingeyinga að gengið verði til saminga við orkukaupendur sem áhuga hafa á atvinnuuppbyggingu í
Þingeyjarsýslum".
10. 201101062 - Hverfafundir í Norðurþingi
Erindi frá bæjarfulltrúum V og Þ lista lagt fram fyrir fundinn.
Undirritaðir fulltrúar V og Þ lista í "bæjarstjórn" Norðurþings leggja eftirfarandi tillögu fram:
"Bæjarstjórn Norðurþings haldi hverfafundi á komandi mánuðum í Reykjahverfi, á Húsavík, í Skúlagarði, á
Kópaskeri og á Raufarhöfn.
Nauðsynlegt er fyrir bæjarstjórnarfulltrúa að vera í stöðugu sambandi við íbúa sveitarfélagsins og fyrir íbúana
að geta komið fram sínum málefnum á opnum fundum".
Trausti Aðalsteinsson - sign
Friðrik Sigurðsson - sign
Til máls tóku: Trausti, Gunnlaugur, Jón Helgi, Friðrik og Soffía.
Tillagan samþykkt samhljóða.
Eftirfarandi er bókun meirihluta bæjarstjórnar:
"Meirihluti bæjarstjórnar Norðurþings fagnar tillögu minnihluta bæjarstjórnar enda í samræmi við vinnu og stefnu meirihlutans og
fulltrúum bæjarráðs þegar kunnug. Stefnt er að halda íbúafundi í sveitarfélaginu á næstu vikum þar sem
bæjarstjórn situr fyrir svörum og kynnir stefnu sína".
11. 201012010F - Byggðarráð Norðurþings - 139
Fundargerð
139. fundar byggðarráðs frá 29. desember 2010 lögð fram til staðfestingar.
Fundargerðin staðfest án umræðu.
12. 201101001F - Bæjarráð Norðurþings - 1
Fundargerð 1.
fundar bæjarráðs frá 6. janúar 2011 lögð fram til staðfestingar.
Fundargerðin staðfest án umræðu.
13. 201101002F - Skipulags- og byggingarnefnd Norðurþings -
72
Fundargerð 72. fundar skipulags- og byggingarnefndar frá 12. janúar 2011 lögð fram til staðfestingar.
Fundargerðin staðfest með umræðu um lið 1
Til máls tók: Jón Grímsson.
14. 201101003F - Tómstunda- og æskulýðsnefnd Norðurþings -
1
Fundargerð 1. fundar tómstunda- og æskulýðsnefndar frá 11. janúar 2011 lögð fram til staðfestingar.
Fundargerðin staðfest án umræðu.
15. 201101004F - Fræðslu- og menningarnefnd Norðurþings -
1
Fundargerð 1. fundar fræðslu- og menningarnefndar frá 11. janúar 2011 lögð fram til staðfestingar.
Fundargerðin staðfest án umræðu.
16. 201101006F - Félags- og barnaverndarnefnd Norðurþings -
20
Fundargerð 20. fundar félags- og barnaverndarnefndar frá 17. janúar 2011 lögð fram til staðfestingar.
Fundargerðin staðfest án umræðu.
17. 201101007F - Bæjarráð Norðurþings - 2
Fundargerð 2.
fundar bæjarráðs frá 13. janúar 2011 lögð fram til staðfestingar.
Fundargerðin staðfest með umræðu um liði: 5 og 6
Til máls tóku undir lið 5: Hjálmar Bogi, Jón Helgi og Jón Grímsson.
Til máls tóku undir lið 6: Jón Grímsson
Jón Grímsson leggur til að bæjarstjórn geri bókun bæjarráðs vegna breytinga á lögum um náttúruvernd nr. 44/1999.
m.s.br. að sínum.
Bæjarstjórn Norðurþings hefur skoðað frumvarp til laga um breytingu á lögum um náttúruvernd nr. 44/1999 m.s.br. Ráðið
telur tillögurnar öfgafullar og óásættanlegar eins og þær eru kynntar og því tilefni til verulegra athugasemda við frumvarpið af
hálfu sveitarfélagsins Norðurþings.
1. 2. gr. frumvarpsins um akstur utan vega þyrfti að gjörbreyta til að ná þeim árangri sem til er ætlast.
Greinin virðist ganga út frá að banna og gera refsiverðan allan akstur utan þeirra vega sem skilgreindir verða í sérstakri reglugerð
umhverfisráðherra. Langstærstur hluti „utanvegaaksturs“ á sér stað á fullkomlega eðlilegum og hagnýtum forsendum og án
þess að valda umtalsverðu tjóni á náttúrunni. Slíkur akstur getur t.d. falist í akstri ýmissra
landbúnaðarslóða sem seint verða skilgreindir sem vegir í reglugerð ráðherra. Hvorki er ástæða til né vinnandi vegur
að eltast við þessháttar vegslóðaakstur. Eðlilegra væri að herða eftirlit og viðurlög vegna landspjalla við utanvegaakstur
í stað þess að skilgreina skaðlítinn vegslóðaakstur sem utanvegaakstur og gera refsiverðan.
2. Í 3. gr. tillögunar er lagt til að votlendi stærri en 1 ha njóti sérstakrar verndar skv. 37. gr. náttúruverndarlaga.
Í gildandi lögum er viðmiðið hinsvegar 3 ha sem þótt hefur harla þröng skilgreining. Markmið breytingarinnar virðist helst vera að
auka opinber afskipti af breytingum óverulegs votlendis með tilheyrandi skrifræði og tilkostnaði. Eins og ráða má af almennum athugasemdum við
lagafrumvarpið er 35% af óröskuðu votlendi hérlendis falið í svæðum sem eru 1-3 ha að flatarmáli. Það þýðir
að slík svæði eru ansi mörg og því algengt kjörlendi hérlendis. 37. gr. laga um náttúruvernd er hinsvegar sérstaklega
ætlað að vernda það sem er „sérstætt eða fágætt“ eins og segir í 1 mgr. Það verður að telja
gerræðislegt að vernda sérstaklega með lögum öll þau fjölmörgu votlendissvæði sem ekki eru stærri en 1-3 ha að
flatarmáli sem sérstæð og fágæt náttúrufyrirbæri og því leggur bæjarstjórn Norðurþings til að
viðmiðun 37 gr. verði óbreytt frá núverandi lögum, þ.e. 3 ha þó möguleg og etv. ásættanleg málamiðlun
fælist í því að miða við 2 ha.
3. Í skógræktarlögum nr. 1/1955 eru nú þegar tiltölulega ítarleg ákvæði til verndar birkiskógum og
skógarleifum. Ennfremur segir í 2. viðauka (1.d) laga um mat á umhverfisáhrifum nr. 106/2000 að „ruðningur á náttúrulegum
skógi“ sé tilkynningarskyldur til Skipulagsstofnunar vegna mats á umhverfisáhrifum, og þar með framkvæmdaleyfisskyldur. Því
virðist óþarft, og aðeins til þess fallið að auka flækjustig, að bæta verndun birkiskóga inn í 37. gr. laga um
náttúruvernd. Verndun birkiskóga og skógarleifa eru nú í höndum Skógræktar ríkisins. Sterk rök þarf fyrir
því að færa það hlutverk yfir til Umhverfisstofnunar, ekki síst í því ljósi að Umhverfisstofnun hefur ekki náð
fullnægjandi hraða í afgreiðslu þeirra mála sem til hennar hefur verið vísað hingað til.
4. 4. gr. þyrfti að breyta verulega. Greinin virðist hlaðin fordómum gegn öllum aðflutningi nýrra tegunda inn á svæði
og skilgreinir óásættanlega þunga skrifræðisferla við leyfisveitingar vegna aðflutnings allra framandi tegunda, ekki aðeins þeirra sem
líklegar eru til að verða ágengar. Greininni er líklega ætlað að hindra f.o.f. útbreiðslu ágengra framandi tegunda og ætti
því eingöngu að fjalla um tegundir sem líklegar eru til vandræða á einhvern hátt. Greinin virðist hinsvegar snúast um að
hindra allar breytingar á núverandi umhverfi til góðs eða ills, hversu bagalega sem það er farið af áníðslu undanfarinna alda allt
frá landnámi. Lágmarkið væri að bæta plöntum til trjáræktar í lista 1. mgr. um þær lifandi framandi lífverur
sem ekki kalla á formlegt samþykki umhverfisstofnunar gagnvart dreifingu, enda engin dæmi um að erlendar trjátegundir hafi gerst óhóflega ágengar
hérlendis.
5. Gert er ráð fyrir að ráðherra setji reglugerð með nánari fyrirmælum um dreifingu lifandi lífvera. Jafnframt kemur fram
að ráðherra geti ákveðið að vissum tegundum megi dreifa án leyfis enda sé ekki talin hætta á að þær ógni
líffræðilegri fjölbreytni. Skv. þessu hefur ráðherra það vald, í samráði við Náttúrufræðistofnun,
að ákveða hvaða tegundunum má dreifa í íslenskri náttúru. Engin ákvæði eru í tillögunni um á hvaða
forsendum ráðherra ákveður lista leyfilegra tegunda og hann getur breytt honum án aðkomu Alþingis. Þannig virðist t.d. búið að
gera alla landgræðslu og skógrækt hérlendis háða duttlungum umhverfisráðherra. Það virðist gerræðislegt og er ekki
ásættanlegt að mati bæjarráðs Norðurþings.
6. Bæjarstjórn Norðurþings leggur sérstaklega til að ekki verði fjallað um flutning á innlendum tegundum lifandi lífvera
í lögunum. Erfitt er að sjá tilgang með bönnum þar að lútandi og enn erfiðara að framfylgja þeim.
7. Í umfjöllun 7 gr. Um breytingar á Skipulagslögum nr. 123/2010 er í staflið a talað um svæði sem njóta verndar
samkvæmt lögum um náttúruvernd „þar á meðal svæðum á náttúruminjaskrá og
náttúruverndaráætlun“. Svæði náttúruminjaskrár og náttúruverndaráætlunar njóta ekki verndar
skv. lögum um náttúruvernd nema þau séu friðlýst eða njóti verndar skv. 37. gr. og ætti því að fella þennan texta
úr stafliðnum.
8. Í staflið b í 7. gr. er áréttað að sveitarstjórn skuli ganga úr skugga um að gætt hafi verið
ákvæða laga um náttúruvernd og annara laga og reglugerða sem við eiga við afgreiðslu skipulags. Eðli máls skv. reyna
skipulagsyfirvöld að fylgja öllum settum lögum og reglugerðum við afgreiðslu skipulags og óviðeigandi að tilgreina sérstaklega í
skipulagslögum að fylgja skuli lögum um náttúruvernd.
9. Aftur kemur fram í staflið d að sveitarstjórn skuli sérstaklega gæta að lögum um náttúruvernd á
jafnóviðeigandi hátt og greint er í t.l. 6 hér að ofan.
10. Aftur er ranglega gefið í skyn í umfjöllun um breytingar á lögum um mat á umhverfisáhrifum að svæði á
náttúruminjaskrá og náttúruverndaráætlun njóti sjálfkrafa sérstakrar verndar skv. lögum um náttúruvernd.
11. Bæjarstjórn Norðurþings leggur til að í fyrirhugaðri lagabreytingu verði öfgalaust skilgreind nánar þau nútímahraun sem
njóta verndar skv. 37. gr. laga um náttúruvernd. Borið hefur á þeirri túlkun að verndunin nái til hrauna sem jafnvel eru þakin
þykku lagi af jarðvegi og gróðri og telur nefndin þá víðtæku túlkun óásættanlega íþyngjandi.
Það er skoðun bæjarstjórnar Norðurþings að það frumvarp sem hér er kynnt sé öfgafullt og óþarflega
íþyngjandi fyrir íbúa landsins. Það á ekki hvað síst við um ákvæði sem virðast íþyngjandi fyrir
framgang skógræktar og landgræðslu.
Samþykkt með atkvæðum Gunnlaugs, Jóns Helga, Olgu, Jóns Grímssonar, Friðriks, Hjálmars Boga, Soffíu og Þráins.
Trausti sat hjá við atkvæðagreiðsluna.
18. 201101008F - Framkvæmda- og hafnanefnd Norðurþings - 1
Fundargerð
1. fundar framkvæmda- og hafnanefndar frá 19. janúar 2011 lögð fram til staðfestingar.
Fundargerðin staðfest með umræðu um lið 4.
Til máls tóku: Soffía og Bergur.
19. 201101010F - Bæjarráð Norðurþings - 3
Fundargerð 3ja
fundar bæjarráðs frá 20. janúar 2011 lögð fram til staðfestingar.
Fundargerðin staðfest með umræðu um lið 1.
Til máls tók: Hjálmar Bogi.
Fleira ekki gert. Fundi slitið kl. 19:25
