2. fundur framkvæmda- og hafnanefndar Norðurþings
haldinn í stjórnsýsluhúsi Norðurþings,
þriðjudaginn 15. febrúar 2011 og hófst hann kl. 16:00
Fundinn sátu:
Þráinn Guðni Gunnarsson, Jón Grímsson, Hjálmar Bogi Hafliðason, Sigurgeir Höskuldsson, Áki Hauksson, Bergur Elías Ágústsson,
Tryggvi Jóhannsson, Guðmundur Magnússon, Stefán Sigurður Stefánsson,
Fundargerð ritaði: Tryggvi Jóhannsson, Framkvæmda- og þjónustufulltrúi
Dagskrá:
1. 201102026 - Fundargerð Cruise Iceland frá 3. febrúar 2011
Lögð fram til kynningar.
2. 201012071 - Sail-Húsavík 2011, ósk um samstarf við sveitarfélagið
Vilborg Arna Gissurardóttir verkefnisstjóri
Sail Húsavík kom á fundinn og kynnti verkefnið og þá þætti sem sérstaklega er óskað eftir samvinnu við
sveitarfélagið um.
Framkvæmda- og hafnanefnd þakkar Vilborgu fyrir kynninguna en frestar afgreiðslu þar til nánari upplýsingar liggja fyrir um umfang verkefnisins.
3. 201102033 - 335. fundur Hafnasambands íslands ásamt ársreikningi 2010
Lagt fram til kynningar.
4. 201004041 - Aðstaða fyrir smábáta í Húsavíkurhöfn
Farið yfir tjónaskýrslu vegna skemmda á
grjótvörn við Suðurgarð á Húsavík eftir óveður.
Framkvæmda- og hafnanefnd felur hafnarstjóra að fylgja málinu eftir í samráði Siglingastofnun Íslands.
5. 201101021 - Fiskistofa, ósk um umsögn vegna vetingar rekstrarleyfis til kræklingaræktunar til handa Sæskeljar
Fiskistofa
óskar eftir umsögn sveitarfélagsins vegna umsóknar Sæskeljar um rekstrarleyfi til kræklingaræktunar í Skjálfanda.
Framkvæmda- og hafnanefnd veitir jákvæða umsögn um erindið og óskar Sæskeljum velfarnaðar í kræklingarækt í
Skjálfanda.
6. 201102062 - Hjálmar Bogi, ýmis erindi
Hjálmar Bogi leggur fram þrjár tillögur sem varða hafnar- og
aflagjöld.
Tillaga 1
Úttekt á aflagjöldum fyrir árið 2010.
Gerð verði úttekt á aflagjöldum með það í huga hvort útgerð landi fiski á markað eða beint í eigin vinnslu.
Tillaga 2
Yfirlit yfir aflagjöld
Lagt er til að fiskseljendum bjóðist yfirlit yfir greidd aflagjöld til hafnarsjóðs Norðurþings.
Tillaga 3
Tekjur af strandveiðikvóta
Gerð verði úttekt á tekjum hafnarsjóðs af strandveiðum árið 2010.
Framkvæmda- og hafnanefnd samþykkir tillögurnar.
7. 201102063 - Gatnaframkvæmdir
Hjálmar leggur fram tillögu um að athugað verði að skipta gatnaframkvæmdum við Fossvelli
og Reykjaheiðarveg á Húsavík niður í áfanga og vísað til gerðar fjárhagsáætlunar 2012.
Framkvæmda- og hafnanefnd samþykkir tillöguna með atkvæðum Þráins, Jóns, Sigurgeirs og Hjálmars.
Áki greiddi ekki atkvæði en leggur fram eftirfarandi bókun:
Í ljósi þess að meirihluti bæjarstjórnar Norðurþings gefur í skyn í staðarblaðinu Skarpi að nægt fé sé til
viðhalds og framkvæmda, telur fulltrúi Þinglistans að það sé skýlaus krafa íbúa við Reykjarheiðarveg og Fossvelli að
farið verði án tafar í endurbyggingu á þessum gömlu götum.
8. 201102045 - Samþykkt um hunda og kattahald í Norðurþingi
Farið yfir gildandi samþykkt og gjaldskrá um hunda- og kattahald
í Norðurþingi.
9. 201102048 - Ný samþykkt um gatnagerðar og þjónustugjöld í Norðurþingi
Fyrir fundinum lá tillaga að
nýrri samþykkt um gatnagerðargjald, stofngjald holræsa, byggingaleyfisgjald, gjöld vegna skipulagsvinnu og afgreiðslu- og þjónustugjöld í
Norðurþingi. Breytingar frá eldri samþykkt eru vegna nýs lagaumhverfis og samþykktin aðlöguð því. Eins eru gjaldskrár
aðlagaðar nýjum vísitölugrunni.
Framkvæmda- og hafnanefnd samþykkir tillöguna.
Fleira ekki gert. Fundi slitið kl. 19:00
