15. fundur framkvæmda- og hafnanefndar Norðurþings
haldinn í stjórnsýsluhúsi Norðurþings,
föstudaginn 17. febrúar 2012 og hófst hann kl. 14:00
Fundinn sátu:
Þráinn Guðni Gunnarsson, Jón Grímsson, Hjálmar Bogi Hafliðason, Sigurgeir Höskuldsson, Áki Hauksson, Tryggvi Jóhannsson, Sveinn Birgir
Hreinsson, Stefán Sigurður Stefánsson,
Fundargerð ritaði: Tryggvi Jóhannsson, Framkvæmda- og þjónustufulltrúi
Dagskrá:
1. 201105013 - Endurskoðun deiliskipulags miðhafnarsvæðis
Per Langsöe Christensen kynnti breytta tillögu að
deiliskipulagi miðhafnarsvæðis.
Sérstaklega kynnti hann tvær hugmyndir sýnar um byggingarmöguleika á lóðum að Hafnarstétt 19-23.
Skipulags- og byggingarnefnd lagði til á fundi sínum miðvikudaginn 15. feb. sl. að skipulagstillögunni yrði breytt til þess að heimila
fyrirkomulag eins og teiknað er upp í tillögu "A".
Framkvæmda- og hafnanefnd samþykkir tillögu skipulags- og byggingarnefndar um að deilskipulagstillaga A verði kynnt á almennum íbúafundi.
2. 201110042 - Tillaga að breytingu á aðalskipulagi Norðurþings vegna miðhafnarsvæðis
Engar breytingar hafa verið
gerðar á áður kynntri tillögu.
Meirihluti skipulags- og byggingarnefndar lagði til við framkvæmda- og hafnanefnd að tillagan verði kynnt á almennum íbúafundi til samræmis
við 2. mgr. 30. gr. skipulagslaga nr. 123/2010 eins og hún er lögð fram. Litið verði svo á að fyrri auglýsing skipulagstillögunnar gildi sem
kynning lýsingar skv. 1. mgr. 30. gr.
Framkvæmda- og hafnanefnd samþykkir tillögu skipulags- og byggingarnefndar um að tillagan verði kynnt á almennum íbúafundi.
Áki óskar bókað:
Fulltrúi Þinglistans vill bóka að svæði H5 sem merkt er inn á aðalskipulag miðhafnarsvæðis og er eingöngu skipulagt fyrir
hafnarsvæði telur fulltrúi Þinglistans mikilvægt að því svæði verði ekki breytt í blandað hafnar-verslunar og
þjónustusvæði. Á þessu svæði er mikilvægt að halda sem mestri umferð ferðamanna frá fiskvinnslu og umferð lyftara og
stærri tækja sem þurfa þjónustu frá hafnarvog. Mikil umferð sérstaklega yfir strandveiðitímabilið getur skapað mikla hættu
á slysum ef beina á t.d. þúsundum ferðamanna yfir í gömlu síldarverksmiðjuna og þvert á athafnarsvæði löndunar og
vigtar. Með öryggi ferðamanna í huga leggst fulltrúi Þinglistans gegn því að H5 svæðið samkv. aðalskipulagi verði breytt
í blandað svæði. Eru þessar áhyggjur fulltrúa Þinglistans í fullu samræmi við ábendingar Siglingastofnunar. Siglingastofnun
telur einnig að ef svæðinu H5 verði breytt í blandað svæði þurfi að færa hafnarvogina.
Fulltrúi Þinglistans Áki Hauksson
3. 201202032 - Erindi frá Áka Haukssyni, fulltrúa Þinglistans vaðandi hafnarreglugerð Norðurþings
Áki leggur fram
eftirfarandi fyrirspurn og greinargerð:
Hvaða reglur eru í gildi í nýsamþykktri hafnareglugerð yfir hafnir Norðurþings?
Greinargerð:
Nýsamþykkt hafnareglugerð yfir hafnir Norðurþings sem innanríkisráðherra samþykkti þann 11. febrúar 2011 kemur meðal annars fram
í þriðju grein reglugerðarinnar.
“Framkvæmda- og hafnanefnd veitir leyfi til starfsemi á hafnasvæðum og hefur vald til að banna eða takmarka afnot hafnasvæða fyrir starfsemi sem hún telur torvelda eðlilega hafnastarfsemi.”
“Framkvæmda- og hafnanefnd gerir tillögur til bæjarstjórnar varðandi skipulagsmál á hafnasvæðum, enda hafi tillögurnar fengið umfjöllun skipulags- og byggingarnefndar. Byggingamál á hafnasvæðum skulu hljóta umfjöllun framkvæmda- og hafnanefndar áður en þau eru lögð fyrir bæjarstjórn.”
Skipulags og byggingarnefnd lagði til við bæjarstjórn deiliskipulag fyrir miðhafnarsvæðið á Húsavík sem hafnanefnd
fékk ekki formlega að taka afstöðu til eða leggja fyrir bæjarstjórn.
Fulltrúi Þinglistans gerði athugasemd við þessi vinnubrögð og vildi fella úr gildi ákvörðun skipulags og byggingarnefndar þar
sem að skipulags og bygggingarnefnd hefði ekki farið eftir nýsamþykktri hafnareglugerð. Í svari byggingarfulltrúa í tölvupósti þann
15.11.2011 við þessari beiðni minni segir orðrétt:
“Krafa Áka Haukssonar um að fella úr gildi afgreiðslu skipulags- og byggingarnefndar á skipulagstillögu að miðhafnarsvæði virðist f.o.f.
fallin til að tefja afgreiðslu deiliskipulagsins. Tillaga skipulags- og byggingarnefndar til bæjarstjórnar er í fullu samræmi við ákvæði
skipulagslaga og hafnalaga.”
Á þessu svari má sjá að ekki eru allar reglur í gildi í nýsamþykktri hafnareglugerð yfir hafnir Norðurþings.
Til að valda ekki svona misskilningi aftur þar sem svar byggingarfulltrúa gefur í skin að annarlegar ástæður séu að baki fyrir athugasemd
fulltrúa Þinglistans við þessum vinnubrögðum vill fulltrúi Þinglistans fá það upp gefið hjá meirihlutanum hvaða reglur
gilda í nýsamþykktri hafnareglugerð og hverjar ekki.
Ekki vill fulltrúi Þinglistans “tefja” málin sem meirihlutanum liggur mikið á að afgreiða með því að vitna í reglur sem
samþykktar eru en gilda ekki.
Með von um að meirihlutinn temji sér faglegri og vandaðri vinnubrögð í framtíðinni.
Áki Hauksson fulltrúi Þinglistans.
Farið hefur verið yfir málin og og greitt úr því sem vafi lék á um. Eins var hafnareglugerðin skoðuð og ekkert kom í ljós
sem stangast á við hafnalög og því er hún öll í gildi.
4. 201202034 - Fyrirspurn frá fulltrúa Þinglistans, Áka Haukssyni, varðandi innheimtu á farþegagjöldum fyrir árið
2011
Áki leggur fram fyrirspurn varðandi innheimtu farþegagjalda fyrir árið 2011 og þá hvort innheimta hafi verið í
samræmi við samþykkt hafnanefndar frá því 30. september 2010 en þar var samþykkt að innheimta þau mánaðarlega.
Samkvæmt upplýsingum frá fjármálastjóra Norðurþings hefur ekki hefur verið innheimt samkvæmt fyrirliggjandi samþykkt sem tók
gildi 1. janúar 2011. Helsta skýringin á því er framkvæmd innheimtunnar en hún felur í sér að upplýsingar um fjölda
farþega á hverju viðmiðunartímabili þurfa að berast innheimtudeild sveitarfélagsins sem gefur út reikninga. Eins og gjaldtökunni hefur
verið háttað, undanfarin ár, og gert er ráð fyrir að verði samkvæmt nýju samþykktinni þurfa þeir aðilar sem reka
farþegaflutninga við Húsavíkurhöfn að veita upplýsingar um fjölda farþega, hvort heldur sem er fyrir ákveðið tímabil eða
allt árið. Tímabil farþegaflutninga er mjög stutt og nær eingögnu yfir sumarmánuðina.
Reikningar fyrir árið 2011 hafa verið sendir út þ.e. er einn reikningur fyrir allt árið.
Framkvæmda- og hafnanefnd beinir því til bæjarráðs að farið verði eftir gildandi samþykkt framkvæmda- og hafnanefndar um innheimtu
farþegagjalda.
5. 201202033 - Erindi frá Áka Haukssyni fulltrúa Þinglistans varðandi hafnarvarðamál á Kópaskeri og
Raufarhöfn
Áki spyr hvernig hafnavarðamál standi á Kópaskeri og Raufarhöfn og hvort ekki sé öruggt að hægt
verði að taka á móti afla á báðum stöðum í einu á grásleppu- og strandveiðum.
Hafnarstjóri upplýsir að ekkert eigi að vera því til fyrirstöðu að hægt sé að veita umrædda þjónustu.
6. 201202016 - Umhverfis- og samgöngunefnd Alþingis, tillaga til þingsályktunar um tólf- og fjögurra ára fjarskiptaáætlun, 342.
mál og 343. mál, til umsagnar
Um er að ræða tvö mál sem umhverfis- og samgöngunefnd Alþingis sendir til umsagnar
sveitarfélaga. Mál 342 er tillaga að tólf ára fjarskiptaáætlun fyrir árin 2011-2022 og mál 343 er tillaga að fjögurra ára
fjarskiptaáætlun fyrir árin 2011-2014.
Umsögn skal berast fyrir 1. mars 2012.
Framkvæmda- og hafnanefnd gerir ekki athugasemdir við áætlanirnar.
7. 201202007 - Marel hf. Krókvog, tilboð
Óskað var eftir tilboði í krókvog sem nota mætti á Kópaskeri og
Raufarhöfn. Nú eru aðeins tvær nothæfar vogir á stöðununum en þyrftu að vera þrjár.
Tilboð hefur borist frá Marel upp á kr. 672.000,- án vsk.
Framkvæmda- og hafnanefnd samþykkir að kaupa vogina.
8. 201202003 - Bláfáninn, verkefni Landverndar
Fyrir fundinum lá bréf frá verkefnisstjóra Bláfánans þar
sem bent er á að frestur til að skila inn umsókn um Bláfánann fyrir næsta tímabil er til 25. febrúar nk.
Framkvæmda- og hafnanefnd telur ekki ástæðu til að skila inn umsókn vegna Bláfánans að þessu sinni.
9. 201201054 - Frá Rarik varðandi viðhaldsgjald fyrir götulýsingu og breytt eignarhald
Með bréfi óskar RARIK eftir
viðræðum um að sveitarfélög yfirtaki götulýsingarkerfi á vegumráðasvæðum sínum sem Rarik hefur annast viðhald
á.
Í öðru bréfi frá RARIK sem líka lá fyrir fundinum er greint frá því að RARIK og Samband íslenskra sveitarfélaga hafi
komist að samkomulagi um að gera uppkast að rammasamningi um yfirtöku sveitarfélaga á götuljósaeignunum sem hægt verður að styðjast
við í samningum við einstök sveitarfélög.
Lagt fram til kynningar.
10. 201005024 - Landgræðsla ríkisins, ósk um styrk vegna verkefnisins "Bændur græða landið"
Fyrir liggur bréf
frá Landgræðslunni vegna samstarfsverkefnisins Bændur græða landið en verkefnið hefur staðið yfir frá 1990. Landgræðslan fer
þess vinsamlega á leit við Norðurþing að verkefni ársins 2011 verði styrkt að upphæð kr. 750.000,-
Framkvæmda- og hafnanefnd samþykkir erindið.
11. 201012019 - Húsnæðisnefnd Norðurþings/Eignasjóður - rekstur
Umsjónarmaður fasteigna fór yfir
viðhaldsframkvæmdir ársins 2012.
12. 201006081 - Leikvellir í sveitarfélaginu Norðurþingi.
Erindi frá tómstunda- og æskulýðsnefnd þar sem
fram kemur að nefndin hafi samþykkt á fundi sínum þann 14. febrúar sl. að leggja til við framkvæmda- og hafnanefnd að leikvöllurinn við
Túngötu verði endurnýjaður á árinu 2012.
Framkvæmda- og hafnanefnd frestar erindinu.
13. 201111079 - Frá Hafnasambandi Íslands varðandi umhverfisstefnu hafna
Fyrir fundinum lágu drög að umhverfisstefnu fyrir hafnir
Norðurþings. Málið var áður á dagskrá 13. fundar framkvæmda- og hafnanefndar þann 14. desember sl.
Framkvæmda- og hafnanefnd samþykkir fyrirliggjand drög að umhverfisstefnu og mun verða unnið eftir henni í framhaldinu.
Fleira ekki gert. Fundi slitið kl. 17:00
