11. fundur framkvæmda- og hafnanefndar Norðurþings
haldinn í stjórnsýsluhúsi Norðurþings,
miðvikudaginn 12. október 2011 og hófst hann kl. 16:00
Fundinn sátu:
Þráinn Guðni Gunnarsson, Jón Grímsson, Áki Hauksson, Kristinn Rúnar Tryggvason, Arnar Sigurðsson, Tryggvi Jóhannsson, Stefán
Sigurður Stefánsson,
Fundargerð ritaði: Tryggvi Jóhannsson, Framkvæmda- og þjónustufulltrúi
Dagskrá:
1. 200907050 - Garðyrkjustjóri-Kynning verkefna
Farið yfir drög að reglum um notkun Skrúðgarðsins sem
garðyrkjustjóra var falið að gera á síðasta fundi nefndarinnar 7. sept. sl.
Garðyrkjustjóri óskar einnig eftir að fá að hefja endurbætur á Kvíabekk.
Framkvæmda- og hafnanefnd samþykkir framlagðar umgengnisreglur fyrir Skrúðgarðinn einnig framkvæmdir við endurnýjun fótstykkis á
Kvíabekk.
2. 201109039 - Íbúar að Baughól 2 - 10, erindi varðandi trjágróður í skógarlundi við
raðhúsið
Borist hefur bréf frá eigendum og íbúum Baughóls 2-10, á Húsavík, þar sem óskað er
eftir viðræðum um lausn á hæð og þéttleika trjáa í skógarlundi nv. við húsið.
Framkvæmda- og hafnanefnd samþykkir að kynna sér málið frekar og óska eftir tillögu frá Garðyrkjustjóra á næsta fundi um
hvernig fara eigi með svæðið.
3. 201109101 - Fjáreigendafélag Húsavíkur, ósk um fund
Fjáreigendafélagið óskar, með bréfi til
framkvæmda- og hafnanefndar, eftir fundi til þess að fara yfir málefni frístundabænda á Húsavík.
Framkvæmda- og þjónustufulltrúi hélt í gær fund ásamt garðyrkjustjóra með fulltrúum frá
Fjáreigendafélaginu og Landgræðslunni og gerði hann nefndinni grein fyrir því sem fram fór á fundinum.
Framkvæmda- og hafnanefnd felur framkvæmda- og þjónustufulltrúa að vinna málið áfram.
4. 201109100 - Benedikt Jónasson, uppsögn á starfi varaslökkviliðsstjóra
Benedikt Jónasson segir með bréfi upp
stöðu sinni sem varaslökkviliðsstjóri á Húsavík frá og með 1. október 2011. Uppsögnin tekur gildi í samræmi við
ráðningarsamning.
Framkvæmda- og hafnanefnd þakkar Benedikt vel unnin störf.
5. 201109094 - Frá Umhverfisráðuneyti varðandi útgáfu landsáætlunar um meðhöndlun úrgangs
2012-2023
Ráðuneytið gerir ráð fyrir að verkefnið verði sett í opið umsagnarferli í október þar sem
stjórnvöldum og hagsmunaaðilum verði gefinn kostur á að koma sjónarmiðum sínum á framfæri.
Framkvæmda- og hafnanefnd felur Sorpsamlagi Þingeyinga að gæta hagsmuna Norðurþings hvað málið varðar.
6. 201109024 - Fundagerðir Cruise Iceland
Lögð fram til kynningar.
7. 201109097 - Fjárhagsáætlun framkvæmda- og hafnanefndar 2012
Farið yfir forsendur fjárhagsáætlunar 2012.
Framkvæmda- og hafnanefnd felur framkvæmda- og þjónustufulltrúa að vinna drög að að fjárhagsáætlun þeirra málaflokka
sem heyra undir nefndina.
8. 201110009 - Deiliskipulag Gudjohnsensreits
Á sameiginlegum fundi framkvæmda- og hafnanefndar og skipulags- og byggingarnefndar þann 5. okt. sl.
kynntu Arnhildur Pálmadóttir arkitekt og Röðull Reyr Kárason skipulagshugmyndir sem þau höfðu unnið af Gudjohnsensreit og nágrenni.
Framkvæmda- og hafnanefnd fór yfir hugmyndirnar og leggur til við skipulags- og byggingarnefnd að hún láti vinna deiliskipulag af fyrrgreindu svæði
á grundvelli þessarra skipulagshugmynda.
9. 201105013 - Endurskoðun deiliskipulags miðhafnarsvæðis
Á sameiginlegum fundi framkvæmda- og hafnanefndar og skipulags- og
byggingarnefndar þann 5. okt. sl. kynntu Per Langsöe Christensen arkitekt deiliskipulagstillögu af miðhafnarsvæðinu á Húsavík. Skipulags- og
bygginganefnd fór yfir málið á fundi sínum fyrr í dag.
Þar sem ekki liggur fyrir endanleg útfærsla á tillögunni tekur framkvæmda- og hafnanefnd undir með skipulags- og bygginganefnd að láta vinna
tillöguna áfram.
10. 201109009 - Innkaupareglur vegna framkvæmda og þjónustukaupa í Norðurþingi
Framkvæmda- og
þjónustufulltrúi gerði nefndinni grein fyrir sjónarmiðum sínum varðandi innkaupareglur fyrir smærri verk. Einnig var farið yfir "Lög um
opinber innkaup" nr. 84 30. mars 2007.
Framkvæmda- og hafnanefnd frestar afgreiðslu málsins.
11. 201110052 - Leigusamningur við Norður-Siglingu um dráttarbrautina á Húsavík
Framkvæmda- og hafnanefnd samþykkir
að fela hafnarstjóra að láta fara fram endurskoðun á leigusamningi Norðursiglingar um slippinn eins og kveðið er á um í 4. gr. samningsins
með það að markmiði að höfnin fái eðlilegar tekjur af rekstri slippsins.
Þráinn óskar bókað: Þar sem framkvæmd leigusamningsins hefur verið í nokkuð eðlilegum farvegi tel ég ekki ástæðu
endurskoðunar samningsins að svo stöddu.
12. 201109004 - Þjóðvegurinn gegnum Húsavík og Raufarhöfn
Farið var yfir hugmyndir Vegagerðarinnar um lækkun
umferðarhraða inn í þéttbýli á Raufarhöfn og Húsavík.
Framkvæmda- og hafnanefnd felur framkvæmda- og þjónustufulltrúa að koma athugasemdum nefndarinnar á framfæri við Vegagerðina.
13. 201110055 - Þorgrímur Jóelsson og Atli Björgvinsson sækja um land undir litboltavöll
Þorgrímur og Atli
óska eftir landssvæði til að setja upp litboltavöll. Þeir hafa í huga skurðasvæði í Reitnum næst neðan við
Ásgarðstún á Húsavík. Svæðið er rétt rúmur ha að stærð.
Framkvæmda- og hafnanefnd samþykkir að leigja Þorgrími og Atla landið og felur framkvæmda- og þjónustufulltrúa að útbúa
leigusamning þar um.
14. 201108021 - Anna L. Sigurðardóttir, varðandi staðsetningu húsbíla á Húsavík
Samþykkt var á
fundi framkvæmda- og hafnanefndar 7. sept. sl. að óska eftir umsögn Húsavíkurstofu um þetta erindi. Sú umsögn hefur nú borist og var
hún lögð fram á fundinum.
Framkvæmda- og hafnanefnd samþykkir að afla frekari upplýsinga um málið.
15. 201110053 - Tillaga um tilfærslu á starfi Hafnarstjóra
Framkvæmda- og hafnanefnd samþykkir að frá og 12. okt.
verði Tryggvi Jóhannsson hafnarstjóri í stað Bergs Elíasar Ágústssonar.
Tryggvi Jóhannsson vék af fundi við afgreiðslu á þessum lið
Fleira ekki gert. Fundi slitið kl. 19:40
