Skipulags- og byggingarnefnd

1.

200801042 - Aðalskipulag Norðurþings

Borist hefur umsögn Skipulagsstofnunar vegna tillögu að aðalskipulagi Norðurþings.

Skipulags- og byggingarfulltrúi fór yfir tillögu að viðbrögðum við umsögn stofnunarinnar og breytingum á aðalskipulagstillögunni. 

Skipulags- og byggingarnefnd leggur til að skipulagstillögunni verði breytt til samræmis við tillöguna.

Skipulags- og byggingarfulltrúi lagði til að gildistímaafmörkun skipulagstillögunnar verði breytt til þess að vera 2010-2030 (úr 2009-2029).

Skipulags- og byggingarnefnd leggur til við sveitarstjórn að sú breyting verði samþykkt.

2.

201003042 - Samþykkt um skilti í Norðurþingi

Skipulags- og byggingarfulltrúi kynnti breytta tillögu að samþykkt um skilti í Norðurþingi.  Gerðar voru breytingar á tillögunni

Skipulags- og byggingarnefnd óskar umsagnar framkvæmda- og þjónustunefndar um tillöguna eins og hún liggur fyrir.

3.

201003113 - Sigrún Kristjánsdóttir f.h. Safnahússins á Húsavík sækir um leyfi fyrir auglýsingaskiltum

Skipulags- og byggingarnefnd fellst á eftirfarandi merkingar/skilti fyrir safnahúsið umfram þau sem fyrir liggja:

1.  Skilti á ljósastaur við Garðarsbraut framan bókaverslunar sem merkir akstursstefnu um Stóragarð að Safnahúsi.  Skv. tillögu að vinnureglum um skilti er hámarksstærð skiltis 60x60 cm.

2.  Skilti á skiltastand við Stóragarð austan Íslandsbanka.

Ekki er fallist á leyfi fyrir umsótt skilti utan á Flókahús á hafnarsvæði eða Stangarbakka.  Nefndin telur einnig ofgert að merkja aksturleið að safnahúsi um Vallholtsveg.

4.

201004032 - Sýslumaðurinn á Húsavík, ósk um umsögn vegna leyfisveitinga til handa Ernu Óladóttur

Á samþykktum teikningum af húsinu eru ekki sýnd rými til gistingar á neðri hæð hússins.  Skipulags- og byggingarnefnd veitir því neikvæða umsögn um sölu gistingar á neðri hæð hússins.

5.

201004065 - Tjörneshreppur óskar eftir umsögn um tillögu að aðalskipulagi sveitarfélagsins

Óskað er umsagnar Norðurþings um nýtt aðalskipulag Tjörneshrepps.  Erindi þar að lútandi barst 23. apríl og óskað umsagnar fyrir 1. maí.

Skipulags- og byggingarnefnd Norðurþings getur ekki skilað af sér umsögn á svo skömmum tíma en stefnir á að koma athugasemdum Norðurþings við skipulagstillöguna fyrir 21. maí n.k.

6.

201004066 - Gentle Giants-Hvalaferðir ehf. sækja um stöðuleyfi fyrir léttri byggingu á þaki björgunarsveitarhúss

Skv. deiliskipulagi er gert ráð fyrir byggingu ofan á þaki hússins.  Því brýtur byggingin ekki í bága við gildandi deiliskipulag.  Fyrir liggur skriflegt samþykki húseiganda.

Skipulags- og byggingarnefnd leggur til við sveitarstjórn að umsækjanda verði veitt stöðuleyfi fyrir húsinu til 1. júní 2013.  Leyfið fellur úr gildi án uppsagnar af hálfu sveitarfélagsins á þeim degi.

7.

201004075 - Örlygur Hnefill Örlygsson f.h. Gistiheimilis Húsavíkur ehf. sækir um leyfi til að setja upp leiðbeiningarmerki á ljósastaura

Óskað er eftir samþykki fyrir tveimur skiltum á skilgreinda ljósastaura við Laugarbrekku.

Skipulags- og byggingarnefnd fellst á erindið.