Skipulags- og byggingarnefnd 66. fundur

1.

200801042 - Aðalskipulag Norðurþings

Matthildur Elmarsdóttir skipulagsráðgjafi mætti til fundarins. Rætt um athugasemdir sem bárust við kynningu aðalskipulags.  Nánari umfjöllun áætluð á næsta fundi.

2.

201006073 - Iðnaðarnefnd Alþingis sendir til umsagnar frumvarp til laga um verndar- og nýtingaráætlun vegna virkjunar fallvatna og háhitasvæða (heildarlög), 660. mál.

Skipulags- og byggingarnefnd Norðurþings hefur skoðað frumvarpið og óskar að koma eftirfarandi athugasemdum á framfæri:

1.  Ekki virðist gert ráð fyrir beinni aðkomu viðkomandi sveitarfélaga að flokkun virkjunarkosta.  Það telur nefndin óásættanlegt, enda skuli skipulagsvaldið í höndum sveitarfélaganna.

2.  Rétt væri að bæta við í 1. mgr. 4. gr. að virkjunarkostir sem þegar eru komnir í skipulagsáætlanir (svæðisskipulag/aðalskipulag) sveitarfélaga falli sjálfkrafa í nýtingarflokk.

3.  Skv. 7. gr. skal verndar- og nýtingaráætlun bindandi fyrir sveitarfélögin við gerð skipulagsáætlana.  Þarna er enn og aftur verið að klípa af því skipulagsvaldi sem sveitarfélögin hafa.  Norðurþing mótmælir þeirri uppsetningu.

4.  Ljóst er að það getur verið fjárhagslega íþyngjandi fyrir sveitarfélög að þurfa innan afmarkaðs tíma að breyta sínum skipulagsáætlunum til samræmis við verndar- og nýtingaráætlun.  Eðlilegt væri að kostnaður vegna skipulagbreytingar yrði tengdur kostnaði við gerð verndar- og nýtingaráætlunar og félli á þann sem fer með valdið til að gera verndar- og nýtingaráætlunina. 

3.

200908026 - Gráni ehf. sækir um byggingarleyfi fyrir reiðhús í Saltvíkurlandi

Óskað er eftir byggingarleyfi fyrir reiðhúsi í Saltvíkurlandi.

Skipulags- og byggingarnefnd leggur til við sveitarstjórn að Grána verði úthlutað lóð undir reiðskemmuna skv. deiliskipulagi.  Skipulags- og byggingarnefnd telur fyrirliggjandi teikningar í samræmi við samþykkt deiliskipulag og samþykkir því erindið.

4.

201007013 - Erna Björnsdóttir og Börkur Emilsson sækja um leyfi til að breyta efstu hæð hússins að Stóragarði 7

Erindið var áður tekið fyrir á 65. fundi skipulags- og byggingarnefndar.  Fyrir liggur nú skriflegt samþykki nágranna.

Skipulags- og byggingarnefnd samþykkir erindið.

5.

201008032 - Bergþóra Höskuldsdóttir, ósk um leyfi til að breyta opnanlegum fögum á efri hæð að Laugarholti 3-C

Lögð var fram rissmynd af breytingunni.

Skipulags- og byggingarnefnd samþykkir erindið.

6.

201008029 - Hrauntangi ehf. sækir um byggingarleyfi fyrir snyrti- og salernisaðstöðu á eyðibýlinu Hrauntanga, Öxarfjarðarheiði

Óskað er eftir byggingarleyfi fyrir 7,5 m² snyrtingar og geymsluhúsnæði að eyðibýlinu Hrauntanga á Öxarfjarðarheiði.  Meðfylgjandi umsókn er ljósmynd sem sýnir útlit.

Skipulags- og byggingarnefnd samþykkir erindið.

7.

201008023 - Eigendur Laugarbrekku 17 sækja um leyfi til að einangra og klæða utan húsið og setja skyggni yfir útidyr að Laugarbrekku 17

Óskað er eftir leyfi til að einangra og klæða íbúðarhúsið að Laugarbrekku 17 með standandi Canexel klæðningu.  Ennfremur er óskað eftir leyfi til að byggja skyggni yfir útihurð á neðri hæð samkvæmt framlögðum teikningum.

Skipulags- og byggingarnefnd samþykkir erindið.

8.

201008010 - Steingrímur Þorsteinsson sækir um leyfi til að skipta um glugga, þak og klæðningu að Hóli

Óskað er eftir leyfi til að skipta um glugga, þakklæðningu og veggjaklæðningu íbúðarhússins að Hóli á Melrakkasléttu.

Skipulags- og byggingarnefnd samþykkir erindið.