45. fundursveitarstjórnar Norðurþings haldinn í
stjórnsýsluhúsi Norðurþings,þriðjudaginn 5. október 2010 og
hófst hann kl. 16:15 Fundinn sátu:
Gunnlaugur Stefánsson, Hólmfríður Soffía Helgadóttir, Hjálmar Bogi Hafliðason, Jón Helgi Björnsson, Olga
Gísladóttir, Trausti Aðalsteinsson, Friðrik Sigurðsson, Þráinn Guðni Gunnarsson, Benedikt Kristjánsson, Bergur Elías Ágústsson,
Guðbjartur Ellert Jónsson, Fundargerð ritaði:
Guðbjartur Ellert Jónsson,
Fjármálastjóri - staðgengill
sveitarstjóra
Dagskrá:
| 1. |
201010006 - Sala á eignarhlut Orkuveitu Húsavíkur ehf. í
Þeistareykjum ehf |
| Til máls tóku: Bergur, Jón Helgi, Þráinn, Hjálmar Bogi,
Trausti, Gunnlaugur, Benedikt, Friðrik, Soffía og Olga. Fulltrúi V listans í sveitarstjórn vill leggja fram eftirfarandi
bókun: "Eins og við bentum á í aðdraganda kosninga þá er staða sveitarfélagsins þannig að við
höfum ekki fjármagn til að halda áfram vinnu á Þeistareykjasvæðinu erum því tilneydd til að selja hlut okkar í
Þeistareykjum ehf.Jafnframt viljum við fagna því að það sé Landsvikjun sem kaupir hlut okkar en ekki einhverjir aðrir því
Landsvikjun er jú í eigu Íslensku þjóðarinnar". Trausti Aðalsteinsson - sign. Vegna
sölu Orkuveitu Húsavíkur ehf á nánast allri eign sinni í Þeistareykjum ehf vill undirritaður fulltrúi Þinglistans í
sveitarstjórn Norðurþings óska eftirfarandi bókað: „Þeistareykir ehf voru stofnaðir árið 1999 og var
eignarhlutur Orkuveitu Húsavíkur við stofnun 40%. Þrátt fyrir góðan vilja sveitarfélagana sem að stofnun félagsins stóðu
hefur ekki tekist enn að tryggja kaupanda að orku af svæðinu nú rúmum 11 árum eftir stofnun félagsins. Það er von mín að
þau skref sem nú eru stigin verð til þess að virkjanaframkvæmdir á Þeistareykjum hefjist sem fyrst og kaupandi
verð tryggður af þeirri orku. Jafnframt er það krafa mín að sú orka verði nýtt í Þingeyjarsýslu íbúum til
hagsbóta.Þinglistinn hefur ekki haft aðkomu að söluferli eignarhluts Orkuveitunar í Þeistareykjum og hefur heldur ekki verið
upplýstur um gang mála við þá vinnu. Salan er því alfarið á ábyrgð meirihluta sveitarstjórnar
Norðurþings. Ég mun því sitja hjá við afgreiðslu á tillögu um sölu á eignarhlut
þessum.“Friðrik Sigurðsson fulltrúi Þinglista í sveitarstjórn
Norðurþings Sveitarstjórn Norðurþings samþykkir tillögu stjórnar Orkuveitu
Húsavíkur ehf., um sölu á 28,771% eignarhlut félagsins í Þeistareykjum ehf. með atkvæðum Gunnlaugs, Jóns Helga, Trausta, Benedikts,
Soffíu, Hjálmars, Olgu og Þráins. Friðrik sat hjá við atkvæðagreiðsluna. |
| |
| 2. |
201010007 - Staða heilbrigðisþjónustu í
Þingeyjarsýslum |
| Til máls tóku: Jón Helgi, Hjálmar Bogi, Benedikt, Bergur,
Þráinn, Friðrik, Gunnlaugur og Soffía. Sveitarstjórn Norðurþings staðfestir einróma sameiginlega ályktun
sveitarfélaganna í Þingeyjarsýslum Niðurskurður á fjárveitingum til
Heilbrigðisstofnunar Þingeyinga Ályktun sveitarfélaganna í Þingeyjarsýslum
Sveitarfélögin í Þingeyjarsýslum austan Vaðlaheiðar lýsa yfir miklum og þungum áhyggjum vegna
fyrirhugaðs niðurskurðar á heilbrigðisþjónustu á Norðausturlandi. Sá niðurskurður á fjárveitingum til
Heilbrigðisstofnunar Þingeyinga, sem kynntur hefur verið í fjárlagafrumvarpi fyrir næsta ár, er ein mesta ógn sem steðjað hefur að
búsetu á þessu svæði um langa hríð og myndi hafa mjög alvarlegar afleiðingar, ekki bara fyrir stofnunina heldur alla íbúa í
Þingeyjarsýslum frá Ljósavatnsskarði í vestri til Þórshafnar í austri. Krafa um
tæplega 40% niðurskurð þýðir stórauknar álögur á almenning á starfssvæði stofnunarinnar, atvinnumissi fólks í
tugatali og myndi draga stórkostlega úr möguleikum sveitarfélaganna til uppbyggingar á komandi árum. Jafnframt er ljóst að krafa um 85%
niðurskurð á sjúkrasviði þýðir í raun lokun á sjúkahúsinu. Slíkt á ekkert skylt við eðlilegar
sparnaðartillögur. Heilbrigðisstofnun Þingeyinga er mikilvægt öryggisnet á stóru
landsvæði þar sem fara þarf um allt að 300 km leið á milli staða. Sveitarfélögin Þingeyjarsveit, Skútustaðahreppur,
Norðurþing, Tjörneshreppur, Svalbarðshreppur og Langanesbyggð skora á ráðherra heilbrigðismála, ráðherra fjármála og
þingmenn Alþingis að falla frá þessari tillögu og leggjast á eitt um að halda áfram rekstri Heilbrigðisstofnunar Þingeyinga á
forsendum fjárlaga ársins 2010. |
| |
Fleira ekki gert. Fundi slitið kl.
18:00
