Byggðarráð Norðurþings

Fyrir byggðarráði liggur styrkbeiðni frá Tónkvíslinni 2017.
Í kynningu með styrkbeiðninni segir m.a.: "Keppnin er nú haldin í tólfta sinn og með hverju ári sem líður verður keppnin betri. Ástæða þess að við höfum undanfarin ár boðið grunnskólanemum að vera með í keppninni er sú að við teljum að ekki sé nóg af viðburðum fyrir unga listamenn sem vilja láta ljós sitt skína. Keppnin er tekin upp með einum besta myndbúnaði á landinu og erum við með saming við Exton og þeir koma með allan ljósabúnað og hljóðkerfi.Við leggjum áherslu á að auglýsa keppnina og okkar dyggu styrktaraðila sem mest og víðast. Keppnin hefur verið auglýst m.a. á visir.is, mbl.is, RÚV, Bravó og á fleiri miðlum auk þess sem fjallað hefur verið um hana í Landanum. Við stefnum á að keppnin í ár verði með svipuðu sniði og í fyrra og er því að mörgu að huga. Við leitum þess vegna til ykkar og vonumst eftir góðu og farsælu samstarfi."

Fyrir byggðarráði liggur bréf frá Mennta- og menningarmálaráðuneyti þar sem óskað er tilnefninga í skólanefnd Framhaldsskólans á Húsavík til næstu fjögurra ára. Þess er farið á leit að Norðurþing skipi tvo aðalfulltrúa og tvo til vara. Sérstaklega er óskað eftir að skipaðir verði tveir karlar og tvær konur. Það er gert með skírskotun til ákvæðis 15. gr. laga nr. 10/2008 um jafnan rétt kvenna og karla til setu í nefndum, ráðum og stjórnum á vegum ríkis og sveitarfélaga.

Fyrirhugaðar eru breytingar á fyrirkomulagi hvað varðar framboð á hádegisverði í stjórnsýsluhúsi.

Fyrir byggðarráði liggur beiðni um umsögn um rekstrarleyfi til handa Gunnlaugi Hreinssyni f.h. GPG Seafood ehf. vegna sölu gistingar að Vallholtsvegi 5, Húsavík.