Skákfélagið Goðinn

Skákfélagið Goðinn var formlega stofnaður 15. mars 2005 og fyrsta stjórn félagsins kjörin.  Þá voru stofnfélagar 11.  Félagssvæði skákfélagsins eru Þingeyjarsýslur og Húsavík.  Frá stofnun hefur félagið verið í örum vexti og skráðir félagar eru rúmlega 50 talsins.  Flestir búa í Þingeyjarsýslum en nokkrir félagsmanna eru búsettir á stór-Eyjafjarðarsvæðinu og þó nokkrir á stór-Reykjavíkursvæðinu.

Goðinn stendur fyrir reglubundnum skákæfingum og skákmótum frá september til og með apríl ár hvert.  Skákæfingarnar eru haldnar til skiptis á Húsavík og á Laugum í Þingeyjarsveit öll mánudagskvöld yfir vetrartímann.  Skákmót félagsins eru haldin víðsvegar um Þingeyjarsýslur.  Goðinn hefur sent skáksveit til keppni á Íslandsmóti skákfélaga undanfarin ár og árið 2011 sendi félagið þrjár skáksveitir til keppni í fyrsta sinn, alls 18 keppendur.

Félagið hefur staðið fyrir skákmótum fyrir börn og ungling á undanförnum árum og hafa þau verið vel sótt.  Félagið hefur einnig staðið fyrir skákkennslu fyrir börn og unglinga undanfarin ár.  Yfir vetrartímann er skákkennsla á vegum félagsins einu sinni í viku á Húsavík.  Kennslunni er skipt í kennslu fyrir byrjendur og lengra komna.  Kennt hefur verið í öðrum skólum í sýslunni yfir vetrartímann.  Undir venjulegum kringumstæðum er lítil starfsemi á vegum félagsins yfir sumarmánuðina.

Stjórn félagsins

Heimasíða Goðans