Skotfélag Húsavíkur var stofnað árið 1964 og var þá upphaflega skotveiðifélag. Í seinni tíð var félaginu breytt í skotfélag og samþykktum þess breytt í samræmi við það. Tilgangur þessara breytinga var að félagið yrði aðildarfélag að Héraðssambandi Þingeyinga (HSÞ). Þannig öðluðust félagsmenn keppnisrétt á mótum á vegum félaga innan Íþróttasambands Íslands en margir félagsmenn höfðu þá þegar áhuga á að keppa í skotfimi samkvæmt reglum alþjóða ólympíusambandsins. Allar götur síðan hefur félagið starfað undir merkjum ÍSÍ.
Árið 2011 voru meðlimir í félaginu 64 talsins. Innan félagsins fer einnig fram unglingastarf og árið 2011 stunduðu 5 unglingar skotfimi hjá Skotfélagi Húsavíkur.
Æfinga- og keppnisaðstaða skotfélagsins er norðan við bæinn Húsavík við rætur Húsavíkurfjalls.
Formaður: Elías Frímann Elvarsson
Netfang: eliase@simnet.is
Gsm: 867-5476
