Fræðslu- og menningarnefnd fer með málefni grunnskóla, leikskóla og tónlistarskóla í sveitarfélaginu. Fræðslu- og menningarfulltrúi er Huld Aðalbjarnardóttir.
Leikskólar
Norðurþing rekur þrjá leikskóla, Grænuvelli, Krílabæ og Krílakot. Í leikskólunum eru nemendur á aldrinum tveggja til sex ára og er miðað við að öll börn komist í leikskóla að hausti á því ári sem þau verða tveggja ára. Skólarnir eru opnir frá kl. 7:45 - 17:15 og boðið er upp á 4 - 8,5 klst. dvalartíma. Leikskólarnir eru lokaðir í 4 daga á ári vegna skipulags- og námskeiðsdaga. Lokað er á aðfangadag og gamlársdag. Á sumrin er lokað vegna sumarleyfa í 20 daga (4 vikur).
Grunnskólar
Í Norðurþingi eru rekinir þrír heildstæðir grunnskólar, Borgarhólsskóli á Húsavík, Öxarfjarðarskóli og Grunnskólinn á Raufarhöfn. fyrir nemendur í 1.-10. bekk. Borgarhólsskóli varð til við sameiningu Barnaskóla Húsavíkur og unglingadeilda Framhaldsskóla Húsavíkur árið 1992.
Á Raufarhöfn eru grunnskólinn og leikskólinn reknir sem ein stofnun. Á leikskólanum er um 10 nemendur og í grunnskólanum eru um 30 nemendur í 1. – 10. bekk. Samkennsla er á öllum stigum og einkennist starfið af sveigjanleika og samvinnu með vellíðan nemenda og starfsfólks að leiðarljósi.
Vefur Grunnskólans á Raufarhöfn
Öxarfjarðarskóli er samrekinn grunn- og leikskóli fyrir skólasamfélagið sem nær frá Kelduhverfi til Kópaskers. Tvær leikskóladeildir starfa innan skólans, önnur er staðsett á Kópaskeri en hin í Lundi þar sem grunnskólinn er til húsa. Nemendur við Öxarfjarðarskóla eru nú 61, þar af 18 leikskólabörn í báðum deildum.
Skóladagurinn hefst kl. 8:10 en skóladagur nemenda er mislangur sbr. Aðalnámskrá grunnskóla. Mötuneyti eru starfrækt í öllum skólunum.
Að auki kemur Norðurþing að rekstri Hafralækjarskóla ásamt Þingeyjarsveit.
Dagforeldrar
Dagforeldrar eru sjálfstætt starfandi. Félags- og barnaverndarnefnd Norðurþings veitir starfsleyfi til dagforeldra og sinnir lögbundnu eftirliti með starfseminni eins og kveðið er á um í reglugerð félagsmálaráðuneytisins nr.907 frá 2005.
Þjónustusamningar og niðurgreiðslur vistunargjalda eru í umsjón fræðslu- og menningarfulltrúa Norðurþings samkvæmt samþykktum sveitarfélagsins þar um.
Sjá yfirlit yfir aðila með leyfi til daggæslu
Tónlistarskóli
Tónlistarskólinn á Húsavík tók til starfa árið 1961. Hann er staðsettur í húsnæði Borgarhólsskóla og er samstarf skólanna mikið m.a. um starfsemi barna- og unglingakóra. Tónlistarskólinn er mjög áberandi í menningu Norðurþings og oft á ári eru haldnir tónleikar fyrir bæjarbúa þar sem ungir sem aldnir tónlistarmenn frá skólanum koma fram.
Tónlistarskólinn er með mannaðar starfsstöðvar á Húsavík, Kópakeri/Lundi og á Raufarhöfn.
