Framhaldsskólinn á Húsavík var stofnaður 1.apríl 1987 og settur í fyrsta sinn 15. september sama ár. Með því var komið til
móts við mikla fjölgun nemenda á framhaldsskólastigi og auknar kröfur um þjónustu við íbúa héraðsins.
Skólastarfið var í fyrstu byggt á grunni tveggja ára framhaldsnáms við Gagnfræðaskóla Húsavíkur. Síðan
þróaðist það í fullmótaðan framhaldsskóla með fjölbrauta- og áfangakerfi. Fjöldi nemenda er nálægt 150 og
árlega útskrifast 15-30 nemendur með stúdentspróf eða lokapróf af öðrum brautum. Fjöldi starfsmanna er nálægt 25.
Húsnæði
Skólinn er til húsa að Stóragarði 10. Þar fer mest öll kennsla fram í 12 kennslustofum og þar er bókasafn, skrifstofa skólans og
aðstaða stjórnenda, kennara og annars starfsfólks. Íþróttakennsla fer fram í Íþróttahöllinni sem er næsta hús
við skólann.
Hlutverk skólans
Skólinn er öllum opinn og leggur áherslu á að þjóna íbúum í Þingeyjarsýslum. Hann telur sig hafa ákveðnar
skyldur við þetta samfélag um eins fjölbreytt námsframboð og mögulegt er, að tryggja jafnan rétt allra til náms við hæfi, að
miðla þekkingu og reynslu til annarra skóla í héraðinu, stofnana, fyrirtækja og stjórnvalda og að styrkja jákvæð viðhorf til
búsetu á svæðinu.
Skólinn er eins og aðrir framhaldsskólar á landinu rekinn af Menntamálaráðuneytinu.
Vefur Framhaldsskólans á Húsavík
