Skipulagsmálin heyra undir skipulags- og byggingarnefnd. Nefndin fer með skipulagsmál í umboði sveitarstjórnar samkvæmt Skipulags- og byggingarlögum frá 28. maí 1997 m.s.br.. Nefndin mótar stefnu í skipulags- og byggingarmálum og gerir tillögur til sveitarstjórnar þar að lútandi.
Deiliskipulag
Deiliskipulag er skipulagsáætlun fyrir afmarkaða reiti sem byggð er á aðalskipulagi og kveður nánar á um útfærslu þess. Í deiliskipulagi er gerð nánari grein fyrir m.a. notkun lands, lóðar, íbúðar-, atvinnu- og þjónustuhúsnæðis, stofnana, leiksvæða og útivistarsvæða.
Mál í kynningu
Tillaga að deiliskipulagsbreytingu - miðhafnarsvæði Húsavíkur
Skipulagshugmyndir um einstök svæði
Á sameiginlegum fundi skipulags- og byggingarnefndar og framkvæmda- og hafnanefndar þann 5. október 2011 kynntu Arnhildur Pálmadóttir og Röðull Reyr skipulagshugmyndir sínar á svokölluðum Gudjohnsensreit og nágrennis á Húsavík.
Framkvæmda- og hafnanefnd hefur lagt til við Skipulags- og bygginarnefnd að unnið verði deiliskipulag af fyrrgreindu svæði á grundvelli þessarra skipulagshugmynda.
Gudjohnsensreitur - skipulagshugmyndir
Aðalskipulag
Aðalskipulag er stefnuyfirlýsing sveitarstjórnar um landnotkun, samgöngu- og þjónustukerfi, umhverfismál og þróun byggðar innan sveitarfélagsins.
Mál í kynningu
Tillaga að breytingu á aðalskipulagi Norðurþings 2010-2030
Svæðisskipulag
Norðurþing er aðili að Svæðisskipulagi Háhitasvæða í Þingeyjarsýslum 2007-2025 sem staðfest var af umhverfisráðherra 16. janúar 2008.
