Jóla hvað? Jólatré!
06.11.2018
Tilkynningar
Samkeppni um jólatré bæjarins
Í ár er fyrirhugað að halda samkeppni um jólatré á Húsavík og viljum við bjóða íbúum að taka þátt í valinu á jólatrénu þetta árið.
Í fyrstu er óskað eftir tilnefningum frá eigendum grenitrjáa sem vilja eða þurfa að losna við þau.
Umhverfisstjóri velur að lokum 3 - 4 tré og kynnir þau tré sem valið stendur um á facebooksíðu Norðurþings þar sem kosning mun fara fram um jólatré Húsavíkur árið 2018.
Sveitarfélagið mun síðan kosta fellingu og frágang á vinningstrénu.
Umhverfisstjóra hefur á síðustu mánuðum verið boðið tré frá garðeigendum á Húsavík og eru þeir hvattir til þess að hafa samband aftur og tilnefna þau að nýju.
Tilnefningar skulu berast til umhverfisstjóra á netfangið smari@nordurthing.is