Opið fyrir umsóknir í vinnuskóla Norðurþings

Opið er fyrir umsóknir í vinnuskóla Norðurþings. Sótt er um með að fylla út rafrænt umsóknareyðublað sem má finna neðst í þessari frétt eða undir "eyðublöð og umsóknir" hér á síðunni.
Lesa má auglýsinguna á PDF sniði hér.

Vinnuskólinn er rekinn af Norðurþingi og heyrir undir Æskulýðs- og menningarnefnd  Norðurþings.  Dagleg stjórn Vinnuskólans er í höndum flokkstjóra.  Helstu verkefni Vinnuskólans varða snyrtingu og fegrun bæjarins og umhverfi hans. 
Unnið er alla virka daga vikunnar, 4 klukkustundir á dag. Vinnudagurinn er frá 8:00 til 12:00.

Í sumar verður Vinnuskóli Norðurþings starfandi fyrir ungmenni fædd árin 2002, 2003, 2004  , þ.e. þá sem í vor ljúka 7. 8. og 9. bekk.  Félagsmiðstöð í Túni verður opin eins og aðstæður leyfa í allt sumar.

Vinnuskólinn er opin ungmennum sem eru með skráð lögheimili í sveitarfélaginu eða eiga foreldra/foreldri sem er með lögheimili í sveitarfélaginu.

Fræðslu og skemmtidagar verða yfir sumarið og eru vinnuveitendur sem hafa ungmenni í vinnu sérstaklega hvattir til að veita þeim tækifæri á að sækja taka þátt í þeirri dagskrá.
Blandað verður saman fræðslu og skemmtun.
Dagarnir verða auglýstir sérstaklega þegar þar að kemur.

 

Laun eru sem hér segir:
Unglingar fæddir 2004 , 445 krónur á klst. Unnið í 3 vikur – Tímabil 3.júlí – 21.júlí
Unglingar fæddir  2003, 506 krónur á klst. Unnið í 4 vikur - Tímabil 12.júní – 7.júlí
Unglingar fæddir  2002, 628 krónur á klst. Unnið í 5 vikur - Tímabil 12.júní – 14. Júlí 

Húsavík
Fyrsti dagur vinnuskólans er 12.júní og gildir það fyrir alla árganga vinnuskólans
Árgangur 2004 (7.bekkur) mætir í Tún kl. 8.00 mánudaginn 3.júlí
Árgangur  2003 og 2002 (8 og 9.bekkur) mætir í Tún kl. 08:00 mánudaginn 12. júní

Raufarhöfn, Kópasker og Öxarfjörður
Þar sem smærri hópar eru í vinnu er unnið í samstarfi við fyrirtæki  og stofnanir sveitarfélaga. Mæting og skipulag vinnu mun ráðast fyrir hvern og einn einstakling.

Röðun í flokka:
Vinnuskólinn lítur svo á að unglingar þurfi að venjast því að vinna með hverjum sem er.  Þeim er því ekki raðað eftir vinahópum. Ekki er víst að þeir sem eru settir í hóp í upphafi verði saman allt sumarið.   Margar ástæður geta orðið til þess að endurraða þurfi í hóp eða hópa.

Helstu kröfur til nemenda Vinnuskólans:

Gert er ráð fyrir að unglingur sem sækir um vinnu í Vinnuskóla Norðurþings sé með umsókn sinni að lýsa yfir áhuga sínum á því að taka þátt í starfi skólans og vinna samviskusamlega þau verk sem honum eru falin.  Unglingnum ber að sýna kurteisi í samskiptum við stjórnendur skólans, íbúa sveitarfélagsins og þá sem með honum vinna.  Klæðnaður þarf að vera í samræmi við veður og vinnuaðstæður hverju sinni.  Unglingar eru beðnir um að hafa með sér nesti til að neyta í kaffitímum. Tóbaksnotkun er alfarið bönnuð í Vinnuskólanum. Fari unglingur ekki  að tilmælum flokkstjóra eða sætti sig ekki við þær starfs- og vinnureglur sem gilda í Vinnuskólanum verður honum gefið tækifæri til að bæta sig. Beri það ekki árangur er hann sendur heim launalaust í lengri eða skemmri tíma og verður forráðamönnum þá gert viðvart.

Ofnæmi eða aðrir kvillar:  
Vinnuskólinn reynir að mæta vandamálum vegna ofnæmis eða annarra sambærilegra kvilla.  Til að hægt sé að taka tillit til slíkra beiðna þarf að fylgja vottorð sérfræðings.

Sjávarútvegsskóli HA
Háskólinn á Akureyri hefur umsjón með sjávarútvegsskólanum sem verður í boði í fyrsta skipti í sveitarfélaginu. Skólinn er fyrir árgang 2003 í vinnuskólanum.
Því miður er þátttaka háð ákveðnum fjölda og því einungis hægt að bjóða hluta vinnuskólans uppá að sitja skólann.
Skólinn fer fram vikuna 26. – 30. Júní

Kennt verður í 3,5 klst á dag frá mánudegi- fimmtudags. Á föstudögum er svo farið í fyrirtækjaheimsóknir á svæðinu og/eða í nærliggjandi byggðir og verða skólaslit sama dag,  samtals 7 klst. Skólinn er því samtals í 21 klst á viku, þar af 14 klst í kennslu. Kennslan er hinsvegar brotin mikið upp með myndböndum, gestum, fiskiquizi og gæðamati á fiski.
Nánari upplýsingar og stundaskrá hvers kennslustað verða birtar á heimasíðu Sjávarútvegsmiðstöðvarinnar www.sjavar.is

Nánari upplýsingar veita
Selmdís Þráinsdóttir yfirflokkstjóri, tun@nordurthing.is sími 865 5741
Guðrún Hildur Einarsdóttir – flokkstjóri
Geirlaugur Árni Kristjánsson – flokkstjóri

Kjartan Páll Þórarinsson tómstundafulltrúi Norðurþings kjartan@nordurthing.is  464-6100

Rafrænt umsóknareyðublað er að finna á heimasíðu Norðurþings, nordurthing.is eða með því að smella hér.


Með því að senda inn umsókn staðfestir foreldri/forráðamaður að hafa kynnt sér reglur þessar.