Grunnskóli Raufarhafnar auglýsir eftir grunn- og leikskólakennurum

Grunnskóli Raufarhafnar er samrekinn grunn- og leikskóli með alls 16 nemendur á leik- og grunnskólastigi og nýtur mikils stuðnings frá samfélaginu. Áhersla er lögð á samvinnu, virðingu, sveigjanleika og jákvæðni. Skólinn er í samstarfi við Öxarfjarðarskóla þar sem nemendur sækja kennslu í list- og verkgreinum, íþróttum og sundi auk tónmenntar og tónlistarkennslu einu sinni í viku. Skólinn starfar í anda uppeldisstefnu Jákvæðs aga.

Óskað er eftir umsjónarkennara á miðstig í almenna kennslu. Viðkomandi þarf að hafa leyfisbréf á grunnskólastigi og sýna faglegan metnað, sjálfstæð og skipulögð vinnubrögð. Við leitum eftir áhugasömum einstaklingi sem er áreiðanlegur og samviskusamur til að takast á við fjölbreytt verkefni í samstarfi við nágrannaskóla. Um er að ræða 100% stöðu.

Einnig vantar tvo leikskólakennara til starfa á Krílabæ. Viðkomandi þurfa að vera áreiðanlegir, samviskusamir og sýna lipurð og jákvæðni í samskiptum. Faglegur metnaður, skipulögð vinnubrögð og góð íslenskukunnátta nauðsynleg.

Frekari upplýsingar veitir Hrund Ásgeirsdóttir skólastjóri í síma 616-6011.

Umsóknir sendist á netfangið: hrund@raufarhafnarskoli.is

Umsóknarfrestur er til og með 25. júní 2020.

Norðurþing er öflugt sveitarfélag sem einkennist af fjölbreyttu mannlífi og miklum sköpunarkrafti manns og náttúru.