Fyrirhugaður er 129. fundur sveitarstjórnar Norðurþings, þriðjudaginn 27. desember 2022 kl 08:30 í stjórnsýsluhúsinu á Húsavík. Um er að ræða aukafund sveitarstjórnar vegna fyrsta máls á dagskrá fundarins.
Nú þegar færðin er farin að þyngjast eru íbúar minntir á að moka þarf vel frá sorptunnum og hálkuverja til að auðvelda aðgengi að tunnunum og tryggja skilvirka sorphirðu.
Á næstu dögum og vikum verða starfsmenn Orkuveitu Húsavíkur á ferðinni í mælaskiptum norðan Búðarár. Verið er að skipta gömlum mælum út fyrir nýja stafræna mæla.
Því þarf ekki að senda inn álestur af hitaveitumælum norðan Búðarár. Sama gildir um notendur í Reykjahverfi, Aðaldal og Kinn sem þegar eru komnir með stafræna mæla.
Fjárhagsáætlun Norðurþings fyrir árið 2023 og þriggja ára áætlun 2024-2026 voru samþykktar í síðari umræðu í sveitarstjórn Norðurþings þann 1. desember sl. Einnig voru samþykktar álagningaprósentur, gjaldskrár og framkvæmdaáætlun 2023 í sér dagskrárliðum.