Fara í efni

Grunnskóli Raufarhafnar – Laust starf til umsóknar

Grunnskóli Raufarhafnar er samrekinn leik-og grunnskóli og hefur leikskólinn aðsetur innan skólans. Einnig hefur Rif rannsóknarstöð þar aðstöðu. Skólinn er í samstarfi við Öxarfjarðarskóla sem er í 62 km fjarlægð frá Raufarhöfn. Nemendum grunnskólans er ekið einu sinni í viku í Öxarfjarðarskóla þar sem þeir fá kennslu í list- og verkgreinum, íþróttum auk tónlistarkennslu á vegum Tónlistarskóla Húsavíkur. Skólinn hefur verið í samstarfi við félag eldri borgara á Raufarhöfn. Stöðugildi við Grunnskóla Raufarhafnar eru 4, þar af 1 stöðugildi kennara. Í Grunnskóla Raufarhafnar eru 6 nemendur í 4. – 9.bekk í einum námshópi og 3 börn á leikskólaaldri. Sami skólastjóri stýrir Grunnskóla Raufarhafnar og Öxarfjarðarskóla og hefur fasta viðveru í Öxarfjarðarskóla en kemur einu sinni í viku til Raufarhafnar.

Staða umsjónarkennara er laus til umsóknar í afleysingar til eins árs í 100% starf.

Starfslýsing:
Leitað er að fjölhæfum kennara sem hefur metnað og býr yfir hæfni til að skipuleggja krefjandi og framsækið skólastarf í samvinnu við skólastjóra, foreldra og nemendur. Jafnframt að styrkja stöðu skólans í nærumhverfinu með samstarfi við Öxarfjarðarskóla og aðrar stofnanir.
Óskað er sérstaklega eftir kennara sem er áreiðanlegur, hefur leiðtogahæfni, sýnir frumkvæði, er ábyrgur, skapandi og lausnamiðaður. Viðkomandi þarf einnig að sinna staðgengilsstöðu skólastjóra.

Menntunar- og hæfniskröfur
• Kennsluréttindi - leyfisbréf
• Kennslureynsla af samkennslu árganga er nauðsynleg.
• Mikil samskiptahæfni og góðir skipulagshæfileikar
• Sjálfstæði, sveigjanleiki og aðlögunarhæfni
• Góð tölvukunnátta er nauðsynleg


Umsóknarfrestur er til og með 25.maí 2022.

Umsóknum skal skila með tölvupósti til skólastjóra Grunnskóla Raufarhafnar og Öxarfjarðarskóla á netfangið hrund@nordurthing.is
Nánari upplýsingar eru veittar hjá skólastjóra í síma 465-2246 eða með fyrirspurnum á netfangið hrund@nordurthing.is