Laus er til umsóknar staða skólastjóra Grunnskóla Raufarhafnar

Laust staða skólastjóra Grunnskóla Raufarhafnar
Laust staða skólastjóra Grunnskóla Raufarhafnar

Laus er til umsóknar staða skólastjóra Grunnskóla Raufarhafnar. Leitað er að metnaðarfullum áhugasömum, fjölhæfum og jákvæðum einstaklingi.

Grunnskóli Raufarhafnar er samrekinn grunn- og leikskóli með alls um 20 nemendur þar sem verið er að innleiða uppeldisstefnuna Jákvæður agi. Í skólanum er jafnframt stuðst við kennsluaðferðir Byrjendalæsis. Samkennsla árganga í grunnskólanum miðast við tvo námshópa.

Aðbúnaður í skólanum er ágætur, góð sundlaug og íþróttahús eru í næsta húsi og í skólanum er bókasafn og aðstaða til tónmenntakennslu. Einnig er mötuneyti nemenda í skólanum sem nýtt er til heimilisfræðikennslu.

Skólinn nýtur mikils stuðnings frá samfélaginu og lögð er áhersla á samvinnu,
sveigjanleika sem og jákvæðni. Skólinn er í samvinnu við Rif rannsóknarstöð þar
sem unnið er að ýmsum verkefnum tengdum náttúrunni.

Raufarhöfn er þéttbýlisstaður í sveitarfélaginu Norðurþing. Íbúafjöldinn á Raufarhöfn er um 200 manns. Frekari upplýsingar um sveitarfélagið Norðurþing og Raufarhöfn er að finna á vefsíðunum nordurthing.is og raufarhofn.is


Meginhlutverk skólastjóra er að:

  • Vera faglegur leiðtogi skólans.
  • Stýra og bera ábyrgð á daglegri starfsemi og rekstri skólans.
  • Bera ábyrgð á stefnumörkun skólans í samráði við fræðslunefnd og sveitarstjórn.
     

Menntunar- og hæfniskröfur:

  • Leyfisbréf leik- og/eða grunnskólakennara.
  • Kennslureynsla á leik- eða grunnskólastigi.
  • Færni i mannlegum samskiptum.
  • Framhaldsmenntun á sviði stjórnunar, uppeldis- og kennslufræði er æskileg.
  • Reynsla af stjórnun og rekstri er æskileg.

 

Laun skv. kjarasamningi Launanefndar sveitarfélaga og K.Í.
Frekari upplýsingar veitir Jón Höskuldsson fræðslufulltrúi Norðurþings í síma 464-6123 eða í gegnum netfangið jon@nordurthing.is


Umsóknarfrestur er til og með 1. júní. 2018.

 Umsækjandi þarf að geta hafið störf eigi síðar en 1. ágúst 2018.

Umsóknir ásamt mynd og ferilskrá sendist: Fræðslufulltrúi Norðurþings, Ketilsbraut 7-9, 640 Húsavík, eða á netfangið jon@nordurthing.is

Norðurþing er öflugt sveitarfélag sem einkennist af fjölbreyttu mannlífi og miklum sköpunarkrafti manns og náttúru.