Áhugamannahópur um að koma á fót náttúrubaðstað í Öxarjarðarhéraði boðar til fundar. Fundurinn verður í Lundi fimmtudaginn 6. apríl kl 20:00. Markmið fundarins er að halda áfram með hugmynda-og greiningarvinnu varðandi fyrstu skref í átt til uppbyggingar náttúrubaða í Öxarfjarðarhéraði. Hvetjum alla þá sem hafa áhuga á uppbyggingu í héraðinu til þess að mæta.

Árshátíð Öxarfjarðarskóla verður haldin í Skúlagarði föstudaginn 31.mars og hefst skemmtunin kl 19:00. Dagskráin er fjölbreytt og koma allir nemendur skólans fram ásamt elstu nemendum leikskólans.

Á nýliðnu ársþingi HSÞ voru veittar viðurkenningar fyrir íþróttamenn ársins og hvatningarverðlaun fyrir síðastliðið ár. Annað árið í röð kemur frjálsíþróttamaður ársins úr héraði. Í fyrra var það Snæþór Aðalsteinsson á Víkingavatni sem hlaut heiðurinn, en í ár er það Unnar Þór Hlynsson spretthlaupari í Heiðarbrún sem varð fyrir valinu.