Skipulags- og byggingarmál

Skipulags- og byggingarfulltrúi starfar skv. skipulagslögum nr. 123/2010 og lögum um mannvirki nr. 160/2010. Hann heldur utan um skipulagsmál fyrir Skipulags- og framkvæmdaráð Norðurþings og sveitarstjórn og veitir nefndum sveitarfélagsins ráðgjöf þar að lútandi. Hann er fulltrúi Skipulags- og framkvæmdaráðs Norðurþings og sér um að framkvæma samþykktir og ákvarðanir ráðsins. 

Skipulags- og byggingarfulltrúi afgreiðir byggingarleyfisumsóknir sem eru í samræmdi við deiliskipulag.  Afgreiðslur sínar kynnir hann Skipulags- og framkvæmdaráðs Norðurþings.  Hann fer yfir framlagðar teikningar m.t.t. reglugerðarákvæða og annast einnig byggingareftirlit.  Byggingarfulltrúi annast skráningar á stærðum mannvirkja og byggingarstigi til fasteignaskrár Þjóðskrár. Á sama hátt annast hann samskipti fyrir hönd sveitarfélagsins við Þjóðskrá vegna lóða og skráningu þeirra.

Helstu verkefni:

• Skipulags- og byggingarmál
• Aðalskipulag
• Deiliskipulag
• Afgreiðsla framkvæmdaleyfa
• Afgreiðsla byggingarleyfa
• Mælingar og kortagerð
• Skráningar lóða
• Skráningar mannvirkja
• Eftirlit með byggingarframkvæmdum