Staðfest var á 10. fundi bæjarstjórnar Norðurþings 20. desember 2011 að taka aftur upp gjaldtöku á börn 6-17 ára í sundlaugum Norðurþings.
Til að lágmarka kostnað á barnafjölskyldur í sveitarfélaginu var ákveðið að taka upp frístundakort. Frístundakortin eru í nafnspjaldastærð og þarf að framvísa þeim í afgreiðslum sundstaða sem sveitarfélagið rekur.
Frístundakortið kostar 3.000 krónur fyrir fyrsta barn og 2.000 krónur fyrir annað barn. Frístundakortið er frítt fyrir þriðja barn eða fleiri börn í fjölskyldu.
Frístundakortið gildir almanaksárið.
Fyrirkomulag á afgreiðslu kortsins verður með eftirfarandi hætti:
Sótt er um kort á netfangið joipals@nordurthing.is eða í síma 464-6100.
Koma þarf fram í umsókn; nafn barns, kennitala og heimilisfang. Einnig þarf nafn forráðamanns/forráðamanna fylgja með til að auðvelda uppgjör kortanna.
Á þriðja virka degi eftir pöntun ætti kortið að vera komið til afgreiðslu í sundlaugunum.
Uppgjör vegna kortanna fer fram við afhendingu þeirra í sundlaugunum.
Vilji kaupendur kortanna fá þau afgreidd með öðrum hætti vinsamlegast látið þess getið í umsókninni.
Nánari upplýsingar veitir undirritaður.
Jóhann Rúnar Pálsson
Tómstunda- og æskulýðsfulltrúi Norðurþings
464-6100
joipals@nordurthing.is
