Húsavík
Félagsmiðstöð ungs fólks á Húsavík er til húsa í Miðgarði 4 í húsi sem nefnist Tún. Félagsstarfið ber nafnið; Tún ungmenningarhús. Umsjónarmaður er Sigríður Hauksdóttir en aðrir starfsmenn eru Óskar Andri Ólafsson og Berglind Hauksdóttir.
Starfið er ætlað ungu fólki á aldrinum 10 - 25 ára og er starfsemin skipulögð sem hér segir.
Starfsemin
13 - 15 ára hafa aðgang að húsinu tvö kvöld í viku, þriðjudags- og fimmtudagskvöld, frá 19:30 - 21:45, auk seinni parta til námskeiðahalds. Starfið er skipulagt af sex ungmennum á unglingastigi í samstarfi við umsjónarmann og starfsmenn hússins. Starfið er metið sem valáfangi í Borgarhólsskóla.
16 – 25 ára hafa aðgang að húsinu öll önnur kvöld eða fimm kvöld vikunnar. Skipulögð dagskrá er á miðvikudagskvöldum en þá eru bíókvöld. Starfið er skipulagt af húsráði, 6 ungmennum á þessum aldri sem halda utan um starfið og hafa umsjón með sérstökum kvöldum. Ungmennin fá einingar fyrir störf sín.
10 – 12 ára hafa aðgang að húsinu einn seinnipart í viku, á fimmtudögum, frá 17:00 - 18:30. Það starf er skipulagt af umsjónarmanni og starfsmönnum.
 |
Facebooksíða Út á túni |
Raufarhöfn
Félagsmiðstöðin Blik á Raufarhöfn er til húsa í skólahúsnæði Grunnskóla Raufarhafnar og umsjón með starfseminni hefur Agnieszka Szodrowska.
Blik er opið alla föstudaga og er starfinu skipt eftir aldri. Yngri hópurinn (1. – 4. bekkur) eru á tímabilinu kl. 18:00 – 19:00 og eldri hópurinn á tímabilinu 19:00 – 21:00.
Hjá yngri hópnum eru haldnar hreyfistundir, farið í leiki og stunduð útivist s.s. skautaferðir en einnig eru haldnir sérstakir dótadagar og nammidagar svo eitthvað sé nefnt.
Hjá eldri hópnum er það hugmyndaflugið sem fær að njóta sýn því að krakkarnir skipuleggja sitt starf að miklu leyti sjálfir en þó með aðstoð umsjónarmanns. Þar er m.a. haldið hrekkjavökuball með yngri hópnum, haldin sundpartý og pólsk spákvöld. Einnig eru í Bliki þythokký borð og ýmis spil auk þess sem boðið er uppá aðgang að fartölvum.
