Fjölskylduráð

Leikskólastjóri Grænuvalla leggur fram til kynningar starfsáætlun Grænuvalla skólaárið 2022-2023.

Í fyrstu grein reglna Norðurþings um stuðning til fjarnáms í menntavísindum segir: Starfandi leiðbeinendur við leik- og grunnskóla Norðurþings sem hyggjast stunda fjarnám í
menntavísindum til diplómaprófs, B.Ed prófs, M.Ed prófs eða til kennsluréttinda við Háskóla Íslands
eða Háskólann á Akureyri geta sótt um stuðning til sveitarsjóðs vegna námsins.

Leikskólastjóri Grænuvalla leggur nú fyrir fjölskylduráð umsóknir starfsmanna Grænuvalla um stuðning til fjarnáms í menntavísindum fyrir skólaárið 2022-2023 ásamt umsögn sinni.

Lagt er fram til kynningar samkomulag um framlengingu á samningi um skólaakstur á leið 4, Raufarhöfn - Öxarfjarðarskóli.

Við umfjöllun fjölskylduráðs um mál 202206131 - Starfsemi Frístundar 2022-2021 var Fræðslufulltrúa falið að útbúa beiðni um viðauka vegna aukins kostnaðar við laun í Frístund og leggja fyrir ráðið að nýju.
Fræðslufulltrúi leggur nú fram beiðni skólastjóra Borgarhólsskóla um viðauka við fjárhagsáætlun Frístundar 2022.

Íslenska æskulýðsrannsóknin er rannsókn sem
Menntavísindastofnun Háskóla Íslands framkvæmir meðal nemenda í 4.,6.,8. og 10. bekk fyrir Mennta- og barnamálaráðuneytið á grundvelli 12 gr. æskulýðslaga nr.70/2007. Markmið verkefnisins er að safna gögnum um velferð og viðhorf barna og ungs fólks og gera niðurstöður aðgengilegar til að styðja við stefnumótun.
Könnun Íslensku æskulýðsrannsóknarinnar verður frá og með skólaárinu 2021-2022 lögð fyrir á hverju ári í grunnskólum.

Niðurstöðuskýrsla úr könnun Íslensku æskulýðsrannsóknarinnar 2022 í grunnskólum Norðurþings er nú lögð fram til kynningar í fjölskylduráði Norðurþings.

Samkvæmt 8. gr. laga um félagsþjónustu sveitarfélaga nr. 40/1991 skulu sveitarfélög hafa samráð við notendur og starfrækja sérstök notendaráð með það að markmiði að auka áhrif fatlaðs fólks á skipulag og framkvæmd þjónustu og önnur hagsmunamál þeim til handa. Félagsmálastjóri er búin að fá tilnefningar inn í notendaráð frá hagsmunaaðilum. Félagsmálastjóri óskar nú eftir tilnefningu frá sveitarstjórn inn í notendaráð svo hægt sé að stofna ráðið sem fyrst.

Í hverju sveitarfélagi, eða í sveitarfélögum sem eiga samstarf um öldrunarmál og þjónustu við aldraða, skal starfa formlegur samráðsvettvangur er nefnist Öldungaráð, þar sem fjallað er um þjónustu við aldraða og framkvæmd og þróun öldrunarmála. Í Öldungaráði skulu að lágmarki sitja þrír fulltrúar kosnir af sveitarstjórn að loknum sveitarstjórnarkosningum og þrír fulltrúar tilnefndir af félagi eldri borgara, auk eins fulltrúa frá heilsugæslunni.

Félagsmálastjóri óskar eftir tilnefningu fulltrúa frá sveitarstjórn inn í Öldungaráð svo hægt sé að stofna ráðið sem fyrst.

Til kynningar er skýrsla um könnun á geðheilsu og þörf fyrir geðheilsuþjónustu meðal fólks með þroskahömlun og skyldar raskanir.

Félagsþjónustan vinnur að sameiginlegu rafrænu kerfi sveitarfélaganna fyrir umsóknir um fjárhagsaðstoð og vinnslu þeirra. Verkefnið er komið vel á veg og búið að senda vinnslusamninginn við Samband íslenskra sveitarfélaga til yfirlestrar hjá persónuverndrafulltrúa Norðurþings sem sá ekkert til fyrirstöðu við samnninginnk, því hefur hann verið undirritaður og er lagður hér fram til kynningar. Verið er að vinna í næstu skerfum og vonast til að hægt verði að sækja um fjárhagsaðstoð rafrænt af heimasíðu Norðurþings fyrir áramót.

Samningur er við Félag eldri borgara á Húsavík og nágrenni (FEBHN) um leigu á húsnæði og samstarf um félagsstarf. Gera þarf nýjan samning við FEBHN sem tekur gildi 1. janúar 2023. Félagsmálastjóri óskar eftir ákvörðun fjölskylduráðs við gerð þessa samnings, hvort fjölskylduráð vilji gera breytingar á samningnum og þá með hvaða hætti svo hægt sé að ganga til viðræðna við félagið.

Samningur um rekstur á húsnæði Félags eldri borgara á Raufarhöfn (FER) og samstarf um félasstarf fyrir eldri borgara er í gildi frá 1. júní 2021 til 31. desember 2025. FER sendi bréf í apríl þess efnis að óska eftir frekari stuðningi. Fjölskylduráð þarf að taka afstöðu til þeirrar beiðni.

Fjárhagsstaða í málaflokki félagsþjónustu er afar slæm á þessu ári og skýrist það til að mynda af mikilli fjarveru vegna veikinda starfsfólks. Félagsmálastjóri hefur verið að vinna að aðgerðum til hagræðingar í sínum málaflokki en óskar nú eftir viðauka svo bregðast megi við stöðunni.

Fjölskylduráð hefur til umfjöllunar málefni Skotfélags Húsavíkur.

Völsungur óskar eftir styrk til kaupa á Kraft plötum sem eru mælingar og greiningartæki fyrir íþróttafólk. Sótt er um styrk um allt að 430.000 kr.

Á 123. fundi sveitarstjórnar var m.a. eftirvarandi bókað um málið:

Helena leggur fram eftirfarandi tillögu:
Drög að viðaukum við samþykktir Norðurþings um stjórn og fundarsköp Norðurþings verði vísað til fjölskylduráðs og skipulags- og framkvæmdaráðs til umfjöllunar það sem snýr að valdheimildum ráðanna og starfsmanna þeirra. Byggðarráð sjái um úrvinnslu og sveitarstjórn taki viðaukann til fyrri og síðari umræðu á haustmánuðum.

Sveitarstjórn samþykkir tillöguna samhljóða.