Kynning á breytingum á húsaleigu félagslegra íbúða hjá Norðurþingi

Félagsmálastjóra er falið að vinna samantekt á auknum kostnaði leigjenda félagslegra leiguíbúða við breytingar á leigusamningi.

Félagsmálastjóri var falið á síðasta fundi nefndarinnar þann 14.4.2016 að vinna samantekt á auknum kostnaði leigjenda félagslegra leiguíbúða hjá Norðurþingi í kjölfar breytinga á leigusamningi.

Félagsmálastjóra falið að vinna drög að ramma varðandi sérstakar húsaleigubætur og leggja fyrir næsta fund nefndarinnar. Ljóst er að sækja þarf um auka fjárveitingu til Byggðaráðs.

Félagsmálastjóri fór yfir ramma varðandi sérstakar húsaleigubætur í Norðurþingi eftir hækkun húsaleigu í félagslegum leiguíbúðum Norðurþings fyrir árið 2016 og drög að reglum varðandi þær.

Félagsmálanefnd samþykkir reglur um sérstakar húsaleigubætur hjá Norðurþingi og vísar þeim til sveitastjórnar.

Til máls tók: Örlygur.

Sveitarstjórn samþykkir samhljóða fyrirliggjandi reglur um sérstakar húsaleigubætur hjá Norðurþingi.