Golfklúbbur Húsavíkur telur u.þ.b. 150 félaga og af þeim eru um 40 krakkar enda hefur
á undanförnum árum verið lögð mikil vinna á sig hjá klúbbnum til að gera enn betur í barna- og unglingastarfi. Golfklúbburinn
heldur úti Katlavelli, sem er 9 holu golfvöllur og hafa mótin undanfarin ár verið rétt rúmlega 20 talsins og 5-7 mót af þeim opin
mót.
Golfklúbburinn hefur 1 starfsmann í heilsársstarfi, og er það vallarstjórinn sem hefur umsjón með vellinum. Á sumrin, koma eðlilega fleiri að þeirri vinnu, s.s. við slátt og almenna hirðingu vallarins. Þá rekur klúbburinn sjoppu yfir sumartímann. Golfklúbburinn hefur 5 manna stjórn og undir henni starfa 5 nefndir. Á veturna liggur starfið að mestu niðri, þ.e. völlurinn er lokaður, en á þeim tíma sitja nefndir og stjórn ófáa fundina til að spá og spekúlera í komandi sumri og alltaf er það markmiðið að gera betur en síðast.
Golfklúbburinn heldur úti heimasíðu, http://www.ghgolf.is/ en þar má finna það sem er helst á döfinni hverju sinni hjá klúbbnum.
Formaður G.H. er Anna Sigrún Mikaelsdóttir annamik@simnet.is
Þjálfari barnanna er Skarphéðinn Ívarsson.
