Fara í efni

Sveitarstjórn Norðurþings

62. fundur 22. nóvember 2016 kl. 16:15 - 18:15 í stjórnsýsluhúsi Norðurþings
Nefndarmenn
  • Olga Gísladóttir aðalmaður
  • Örlygur Hnefill Örlygsson aðalmaður
  • Gunnlaugur Stefánsson aðalmaður
  • Soffía Helgadóttir aðalmaður
  • Jónas Hreiðar Einarsson aðalmaður
  • Kjartan Páll Þórarinsson aðalmaður
  • Óli Halldórsson aðalmaður
  • Sif Jóhannesdóttir aðalmaður
  • Kristján Þór Magnússon bæjarstjóri
  • Margrét Hólm Valsdóttir Ritari
  • Erna Björnsdóttir Forseti
Fundargerð ritaði: Margrét Hólm Valsdóttir skrifstofustjóri
Dagskrá

1.Samþykkt um breytingu á samþykkt um gatnagerðargjald nr. 810/2016

Málsnúmer 201611028Vakta málsnúmer

Fyrir sveitarstjórn liggur eftirfarandi bókun 10. fundar framkvæmdanefndar: "Eftir yfirferð innanríkisráðuneytisins á áður samþykktri samþykkt um gatnagerðargjöld í Norðurþingi liggur fyrir nefndinni breytingartillaga á 7. gr. samþykktarinnar.

Breytingartillagan er samþykkt. Framkvæmda- og þjónustufulltrúa er falið að auglýsa umrædda samþykkt á viðeigandi stöðum."
Sveitarstjórn samþykkir samhljóða fyrirliggjandi breytingu á samþykkt um gatnagerðargjöld.

2.Gatnagerðargjöld að Lyngholti 3

Málsnúmer 201611070Vakta málsnúmer

Á 10.fundi framkvæmdanefndar lá fyrir beiðni frá eigendum lóðar við Lyngholt 3 um 50% niðurfellingu á gatnagerðargjöldum til samræmis við ákvörðun sem samþykkt var á síðasta fundi sveitastjórnar um afslátt af gatnagerðargjöldum. Eftirfrandi var bókun nefndarinnar:

"Í ljósi þess að framkvæmdir við lóð nr. 3 við Lyngholt eru nýhafnar, fellst framkvæmdanefnd á rökstuðning eigenda lóðarinnar fyrir niðurfellingu á 50% gatnagerðargjalda, að því gefnu að húsið verði fokhelt fyrir lok árs 2017 í samræmi við ákvörðun sveitastjórnar.
Erindið er því samþykkt."
Sveitarstjórn samþykkir samhljóða tillögu framkvæmdanefndar.

3.Breyting aðalskipulags Norðurþings 2010-2030. Stækkun þjónustusvæðis við Héðinsbraut

Málsnúmer 201611080Vakta málsnúmer

Á 9. fundi skipulags- og umhverfisnefndar var eftirfarandi bókað: "Skipulags- og byggingarfulltrúi gerði grein fyrir sínum samskiptum við Skipulagsstofnun og kynnti hugmynd Alta ehf að skipulagslýsingu fyrir aðalskipulagsbreytingu vegna stækkunar þjónustusvæðis við Héðinsbraut.
Ennfremur kynnti skipulags- og byggingarfulltrúi frumhugmynd að breytingu aðalskipulags vegna fyrirhugaðrar uppbyggingar.Skipulags- og umhverfisnefnd leggur til við sveitarstjórn að skipulagslýsing verði kynnt skv. 1. mgr. 30. gr. skipulagslaga nr. 123/2010. Nefndin felur skipulags- og byggingarfulltrúa að kynna frumhugmynd að aðalskipulagsbreytingu skv. ákvæði 2. mgr. 30. gr. skipulagslaga."
Örlygur Hnefill vék af fundi við afgreiðslu þessa fundarliðar.

Til máls tóku: Sif, Jónas og Kjartan.

Sveitarstjórn samþykkir samhljóða tillögu skipulags- og umhverfisnefndar.

4.Breyting deiliskipulags Höfðavegar

Málsnúmer 201611081Vakta málsnúmer

Á 9. fundi skipulags- og umhverfisnefndar kynnti skipulags- og byggingafulltrúi sameiginlega skipulagslýsingu fyrir breytingu aðalskipulags og breytingu deiliskipulags fyrir Höfðaveg. Ennfremur kynnti hann drög að breytingum deiliskipulags Höfðavegar sem unnin voru af Landslagi. Breytingartillagan gerir ráð fyrir tengingu Höfðavegar við Laugarbrekku, niðurrif Héðinsbrautar 15, tilfærslu lóðarmarka og byggingarreits að Höfðavegi 7 og sameiningu lóða við Héðinsbraut. Skipulagstillögunni fylgir þrívíddarmynd til skýringar af mögulegri breyttri götumynd við Héðinsbraut.
Eftirfarandi var bókun nefndarainnar:
"Skipulags- og umhverfisnefnd leggur til við sveitarstjórn að skipulagslýsing verði kynnt skv. ákvæðum skipulagslaga nr. 123/2010. Nefndin felur skipulags- og byggingarfulltrúa að kynna frumhugmynd að deiliskipulagsbreytingu á opnum fundi skv. ákvæðum skipulagslaga.
Örlygur vék af fundi við afgreiðslu þessa."
Örlygur Hnefill vék af fundi við afgreiðslu þessa fundarliðar.

Til máls tóku: Jónas og Kristján.

Sveitarstjórn samþykkir samhljóða tillögu skipulags- og umhverfisnefndar.

5.Íbúðir fyrir starfsmenn PCC í Holtahverfi - Framlengd beiðni

Málsnúmer 201611016Vakta málsnúmer

Á 9. fundi skipulags- og umhverfisnefndar lá fyrir ósk frá PCC Seaview Residences ehf um að svæði E í deiliskipulagi Holtahverfis verði áfram tekið frá vegna fyrirhugaðrar uppbyggingar fyrirtækisins. Óskað var eftir að fyrri lóðarráðstöfun verði framlengd um sex mánuði. Eftirfarandi var bókun nefndarinnar: "Skipulags- og umhverfisnefnd leggur til við sveitarstjórn að fyrri samningur við PCC Seaview Residences um svæði E í Holtahverfi verði framlengdur til loka febrúar 2017."
Sveitarstjórn samþykkir samhljóða tillögu skipulags- og umhverfisnefndar.

6.Óskað er eftir því að gerður verði lóðarleigusamningur við Hvalasafnið á Húsavík SES að Hafnarstétt 1

Málsnúmer 201611084Vakta málsnúmer

Fyrir sveitarstjórn liggur eftirfarandi bókun 9. fundar Skipulags- og umhverfisnefndar: "Með bréfi dags. 9. nóvember 2016 óskar Valdimar Halldórsson, framkvæmdastjóri Hvalasafnsins á Húsavík, eftir því að gerður verði lóðarleigusamningur um Hafnarstétt 1 til samræmis við gildandi deiliskipulag.
Skipulags- og umhverfisnefnd leggur til við sveitarstjórn að gerður verði lóðarleigusamningur um Hafnarstétt 1 til samræmis við ákvæði gildandi deiliskipulags"
Sveitarstjórn samþykkir samhljóða tillögu skipulags- og umhverfisnefndar.

7.Fjölgun leikskólaplássa á Húsavík.

Málsnúmer 201604068Vakta málsnúmer

Fyrir sveitarstjórn liggur eftirfarandi bókun fræðslunefndar: "Fyrir fræðslunefnd liggur skýrsla starfshóps um fjölgun leikskólaplássa á Húsavík.
Fræðslunefnd leggur til við sveitarstjórn að skoðuð verði frekar leið tvö b í skýrslu starfshóps."
Til máls tóku: Kjartan, Olga, Jónas og Óli.

Sveitarstjórn samþykkir tillögu fræðslunefndar með atkvæðum Ernu, Óla, Sifjar, Olgu, Örlygs og Gunnlaugs. Kjartan, Jónas og Soffía sitja hjá við afgreiðslu tillögunnar.

8.Gjaldskrá Túns 2017

Málsnúmer 201611095Vakta málsnúmer

Fyrir sveitarstjórn liggur, til staðfestingar, gjaldskrá Túns 2017.
Sveitarstjórn staðfestir framlagða gjaldskrá Túns 2017.

9.Gjaldskrá íþróttamannvirkja Norðurþings 2017

Málsnúmer 201611094Vakta málsnúmer

Fyrir sveitarstjórn liggur, til staðfestingar, gjaldskrá íþróttamannvirkja Norðurþings 2017
Sveitarstjórn samþykkir samhljóða framlagða gjaldskrá iþróttamannvirkja Norðurþings 2017.

10.Leikskólar - Gjaldskrá 2017

Málsnúmer 201611072Vakta málsnúmer

Fyrir sveitarstjórn liggur, til staðfestingar, gjaldskrá leikskóla Norðurþings 2017
Sveitarstjórn samþykkir samhljóða fyrirliggjandi gjaldskrá leikskóla Norðurþings 2017.

11.Borgarhólsskóli/mötuneyti - Gjaldskrá 2017

Málsnúmer 201609127Vakta málsnúmer

Á 8. fundi fræðslunefndar var eftirfarandi bókað:
"Fyrir fræðslunefnd liggur endurskoðun gjaldskrár mötuneytis Borgarhólsskóla vegna ársins 2017.
Lögð er til þriggja prósenta hækkun á gjaldskrá mötuneytis. Fræðslunefnd samþykkir hækkunina."
Sveitarstjórn samþykkir samhljóða framlagða gjaldskrá mötuneytis Borgarhólsskóla.

12.Öxarfjarðarskóli/mötuneyti - Gjaldskrá 2017

Málsnúmer 201609152Vakta málsnúmer

Á 8. fundi fræðslunefndar var eftirfarandi bókað:
"Fyrir fræðslunefnd liggur endurskoðun gjaldskrár mötuneytis Öxarfjarðarskóla vegna ársins 2017. Lögð er til þriggja prósenta hækkun á gjaldskrá mötuneytis. Fræðslunefnd samþykkir hækkunina."
Sveitarstjórn samþykkir samhljóða framlagða gjaldskrá mötuneytis Öxarfjarðarskóla 2017.

13.Tónlistarskóli Húsavíkur - Gjaldskrá 2017

Málsnúmer 201611082Vakta málsnúmer

Fyrir sveitarstjórn liggur, til staðfestingar, gjaldskrá 2017 Tónlistarskóla Húsavíkur
Til máls tóku: Jónas og Olga.

Sveitarstjórn samþykkir samhljóða framlagða gjaldskrá Tónlistarskóla Húsavíkur vegna 2017.

14.Álagning gjalda 2017

Málsnúmer 201611118Vakta málsnúmer

Fyrir sveitarstjórn liggur eftirfarandi tillaga að álagningu gjalda árið 2017:

Útsvar
14,52%
Fasteignaskattur:



A flokkur
0,575%

B flokku
1,32%

C flokkur
1,65%

Lóðaleiga 1
1,50%

Lóðaleiga 2
2,50%
Vatnsgjald:



A flokkur
0,225%

B flokkur
0,45%

C flokkur
0,45%
Holræsagjald:



A flokkur
0,275%

B flokkur
0,275%

C flokkur
0,275%
Sorpgjöld:



Heimili
52.104

Sumarhús
20.444
Sveitarstjórn samþykkir samhljóða framlagða tillögu að álagningu gjalda fyrir árið 2017.

15.Fjárhagsáætlun 2017 og 3 ára áætlun 2018-2020

Málsnúmer 201605113Vakta málsnúmer

Fyrir sveitarstjórn liggur Áætlun 2017 og 3 ára áætlun 2018-2020 til síðari umræðu og staðfestingar.
Til máls tóku: Kristján, Óli, Gunnlaugur, Soffía, Jónas, Kjartan, Erna,

Minnihluti sveitarstjórnar lagði fram eftirfarandi bókun:
Við undirrituð getum ekki samþykkt fjárhagsáætlun Norðurþings fyrir árið 2017 eins og hún er lögð hér fram til afgreiðslu.
Reiknað er með því að fjárfesta fyrir 28,6% af heildartekjum samstæðunnar á árinu 2017. Við teljum það hlutfall allt of hátt miðað við þunga fjárhagsstöðu sveitarfélagsins. Þessi mikli þungi á fjárfestingar leiðir til aukinnar skuldsetningar umfram það sem nauðsynlegt er.
Mikilvægt er að sveitarfélagið einbeiti sér að nauðsynlegum framkvæmdum vegna atvinnuuppbyggingar og væntanlegra íbúðabygginga. Því teljum við brýnt að sveitarfélagið haldi að sér höndum út árið 2017 og forðist þensluáhrif og aukna skuldsetningu, eins og kostur er.
Við teljum að það eigi að dreifa þeim fjárfestingum sem ekki eru brýnar yfir á árin 2018 til 2020 eftir að uppbyggingu á Bakka lýkur og aðlaga með því framkvæmdir að fjárfestingagetu sveitarfélagsins betur.
Gunnlaugur Stefánsson
Soffía Helgadóttir
Jónas Einarsson
Kjartan Páll Þórarinsson

Meirihluti sveitarstjórnar lagði fram eftirfarandi bókun:

Fjárhagsáætlun Norðurþings hefur verið í vinnslu frá vormánuðum. Unnið hefur verið með hliðsjón af viðmiðum Sambands íslenskra sveitarfélaga um gerð og framkvæmd fjárhagsáætlunar. Horfur í rekstri og efnahag Norðurþings eru batnandi. Í fjárhagsáætluninni kemur fram að A-hluti sveitarsjóðs verði rekinn með 74 milljóna rekstrarafgangi og þá verði samstæða Norðurþings rekin með 54 milljón króna rekstrarafgangi á næsta ári.
Áætlunin hefur verið unnin í góðri samvinnu kjörinna fulltrúa og nefndarfólks í nefndum og byggðarráði. Allt nefndarfólk hefur haft tækifæri og nægan tíma til að koma sjónarmiðum sínum og tillögum á framfæri. Vinna hefur verið markviss undir stjórn stjórnenda Norðurþings og nær enginn ágreiningur komið fram um einstaka þætti áætlunarinnar í nefndum og ráðum. Undirrituð þakka starfsfólki sveitarfélagsins fyrir vandaða vinnu við gerð áætlunarinnar og fulltrúum allra stjórnmálaflokka fyrir gott samstarf síðastliðið hálft ár á meðan vinnslu fjárhagsáætlunar hefur staðið.

Erna Björnsdóttir
Olga Gísladóttir
Örlygur Hnefill Örlygsson
Óli Halldórsson
Sif Jóhannesdóttir

Fjárhagsáætlun 2017 samþykkt með atkvæðum Ernu, Óla, Olgu, Sifjar og Örlygs. Á móti eru Gunnlaugur og Soffía. Kjartan og Jónas sitja hjá.

Fjárhagsáætlun 2018-2020 samþykkt með atkvæðum Ernu, Óla, Olgu, Sifjar og Örlygs. Kjartan, Jónas, Gunnlaugur og Soffía sitja hjá.

Eftir afgreiðslu þessa fundaliðar yfirgaf Sif Jóhannesdóttir fundinn.

16.Skýrsla sveitarstjóra

Málsnúmer 201605083Vakta málsnúmer

Til máls tók: Kristján.

17.Byggðarráð Norðurþings - 193

Málsnúmer 1610012Vakta málsnúmer

Fundargerðin er lögð fram.

18.Byggðarráð Norðurþings - 194

Málsnúmer 1610013Vakta málsnúmer

Til máls tóku undir lið 4 "Tjaldsvæðið á Húsavík": Kjartan og Óli,

Fundargerðin er lögð fram.

19.Byggðarráð Norðurþings - 195

Málsnúmer 1611001Vakta málsnúmer

Fundargerðin er lögð fram.

20.Byggðarráð Norðurþings - 196

Málsnúmer 1611004Vakta málsnúmer

Til máls tók undir lið 5 "Varðar keðjuábyrgð verktaka":Óli, Kjartan og Gunnlaugur.

Eftirfarandi bókun var lögð fram undir þessum lið:
"Sveitarstjórn Norðurþings samþykkir að innleiða keðjuábyrgð hjá sveitarfélaginu. Þetta gildir um alla samninga um verklegar framkvæmdir og kaup á þjónustu á vegum sveitarfélagsins. Þannig verði sett inn í slíka samninga ákvæði um keðjuábyrgð þeirra seljenda sem sveitarfélagið semur við. Með þessu vill Norðurþing tryggja að allir starfsmenn, hvort sem það eru starfsmenn verktaka, undirverktaka eða starfsmannaleiga, njóti launa, trygginga og annarra réttinda í samræmi við gildandi kjarasamninga og lög hverju sinni. Aðalverktakinn verði þannig í verksamningi gerður ábyrgur fyrir að tryggja kjarasamnings- og lögbundin réttindi allra starfsmanna sem að verkinu koma.
Þetta verður gert til að koma í veg fyrir undirboð og óeðlilega samkeppnishætti á vinnumarkaði."

Til máls tóku undir lið 7 "Staða Framhaldsskólans á Húsavík": Kjartan, Soffía, Jónas, Kristján og Erna.

Fundargerðin er lögð fram.

21.Skipulags- og umhverfisnefnd - 9

Málsnúmer 1611003Vakta málsnúmer

Fundargerðin er lögð fram.

22.Hafnanefnd - 8

Málsnúmer 1611006Vakta málsnúmer

Til máls tók undir lið 4 "Gjaldskrá hafna": Gunnlaugur og Kristján.

Fundargerðin er lögð fram.

23.Æskulýðs- og menningarnefnd - 6

Málsnúmer 1611007Vakta málsnúmer

Fundargerðin er lögð fram.

24.Fræðslunefnd - 8

Málsnúmer 1611005Vakta málsnúmer

Til máls tóku undir lið 4 "Borgarhólsskóli-umferðaröryggi við Sundlaug Húsavíkur": Kjartan, Óli, Olga, Gunnlaugur, Erna og Soffía.

Fundargerðin er lögð fram.

25.Framkvæmdanefnd - 10

Málsnúmer 1611008Vakta málsnúmer

Fundargerðin er lögð fram.

26.Félagsmálanefnd - 8

Málsnúmer 1611009Vakta málsnúmer

Fundargerðin er lögð fram.

27.Byggðarráð Norðurþings - 197

Málsnúmer 1611011Vakta málsnúmer

Til máls tóku undir lið 8 "Orkuveita Húsavíkur - fundargerð 155. fundar, liður nr. 6 í fundargerð OH - Hrafnabjargavirkjun": Gunnlaugur og Erna.

Sveitarstjórn samþykkir samhljóða að byggðarráð taki málið til umfjöllunar.

Fundargerðin er lögð fram.

Fundi slitið - kl. 18:15.