Fréttir

Grunnskóli Raufarhafnar er samrekinn grunn- og leikskóli með 12 nemendur þar sem Uppbyggingarstefnan er höfð að leiðarljósi. Skólinn nýtur mikils stuðnings frá samfélaginu og leggjum við áherlsu á samvinnu sem og jákvæðni. Við auglýsum eftir matráð í 55% stöðu. Í starfinu felst umsjón með morgunmat og hádegismat 4 daga vikunnar ásamt skúringum á eldhússvæði.

Símsvörun/póstafgreiðsla. Um er að ræða framtíðarstarf í 50% starfshlutfalli, vinnutími er frá kl. 08:45 til 12:45 með bréfbera starfi, annars frá kl.12:15 til 16:15 og felur í sér annars vegar símsvörun fyrir aðalskiptiborð Norðurþings, ásamt almennri póstafgreiðslu fyrir Íslandspóst. Fyrsti starfsdagur er 1.september.nk.

Hið árlega Ásbyrgismót verður helgina 11. - 13. júlí. Sjá dagskrá mótsins hér:

Ferðaþjónustusamtökin Norðurhjari hafa undanfarið misseri unnið að svokölluðu áfangastaðaverkefni á starfssvæði sínu, sem er frá Kelduhverfi austur á Bakkafjörð. Stærsta framkvæmdin innan verkefnissins var smíði útsýnispalls við Skjálftavatn í Kelduhverfi, en þar er góð aðstaða til fuglaskoðunar og gott útsýni.

Sparkvöllurinn var formlega vígður með viðhöfn laugardaginn 14. júní. Hjálmar Bogi Hafliðason, formaður tómstunda- og æskulýðsnefndar Norðurþings, flutti stutt ávarp og Birna Björnsdóttir, formaður UMF Austra, ávarpaði einnig viðstadda. Hún gerði grein fyrir aðkomu ungmennafélsgsins að byggingu sparkvallarins og þakkaði einnig bæjarbúum fyrir framlag þeirra við þökulagningu umhverfis völlinn, en UMF Austri tók það verk að sér.

Á þessu ári eru 50 ár liðin frá því að núverandi húsnæði grunnskólans var tekið í notkun. Haldið var upp á þessi tímamót 31. maí sl. Dagskráin hófst kl. 11:00 með því að Jón Magnússon fyrrverandi skólastjóri hringdi skólabjöllunni.

Nemendur og starfsfólk Grunnskóla Raufarhafnar hélt sína árlegu árshátíð 30. maí sl. Sýnt var leikritið Galdrakarlinn af Oz. Allir nemendur skólans tóku þátt í sýningunni og hafa þeir ásamt starfsfólki lagt mikla vinnu í undirbúningu sýningarinnar. Sýnt var fyrir fullu húsi og eftir sýningu var boðið upp á glæsilegt kaffihlaðborð. Hér er hægt að sjá myndir frá undirbúningi sýningarinnar.

Umhverfisdagur var á Raufarhöfn 28. maí sl. á vegum Íbúasamtaka Raufarhafnar og Norðurþings. Þátttaka var mjög góð, íbúar týndu rusl á opnum svæðum og í fjörum. Einnig var haldið áfram að þökuleggja svæðið í kring um sparkvöllinn og að lokum var boðið upp á grillaðar pylsur. Hér er hægt að sjá myndir frá umhverfisdeginum.

Ágætu íbúar Raufarhafnar og aðrir velunnarar staðarins! Senn líður að lokum starfstíma undirritaðs sem sérstaks verkefnisstjóra Byggðastofnunar á Raufarhöfn, en eins og áður hefur komið fram var samningur framlengdur um 4 mánuði, til 30. júní 2014. Því langar mig að staldra við og setja nokkur orð á blað.

Í sumar verður Þóra Björg Andrésdóttir háskólanemi að vinna að sumarverkefni á Raufarhöfn. Þóra er nemi í jarðfræði við Háskóla Íslands, mikið náttúrubarn og spennt að takast á við sumarið.

Opnun Skerjakollu - búðarinnar á Kópaskeri. Guðmundur Magnússon, formaður Framfarafélags Öxarfjarðar og fulltrúi íbúa, afhenti Ingu Sigurðardóttur og Guðmundi Baldurssyni blómvönd í tilefni dagsins og ánægðir viðskiptavinir streymdu að kassanum eftir laga mánuði búðarleysis á Kópaskeri.

Helgina 20. – 22. júní 2014. Sjá dagskrá: