Fréttir

Jóla-jóla ball

Á dögunum voru úrslit í ljósmyndasamkeppnin sem verið hefur í gangið síðan síðsumars gerð kunn. Myndirnar sem bárust má sjá hér neðst á síðunni í myndagallerí. Dómnefndinni sátu Ólafur Gísli Agnarsson, Gréta Bergrún Jóhannsdóttir og Regína Steingrímsdóttir og er þeim þakkað kærlega fyrir að gefa tíma sinn. Búið er að hafa samband við vinningshafana, er öllum sem tóku þátt þakkað kærlega fyrir þáttakunna. 1. sæti Aðalsteinn Atli Guðmundsson 2. sæti Ríkharður Guðmundsson 3. sæti Ríkharður Guðmundsson Skemmtilegasta myndin: Börn í 1-5 bekk í Raufarhafnarskóla.

Þjóðleikhúsið stendur fyrir listgjörningi um allt land. Hversdagsleikhúsið er að finna á 10 stöðum. Einn af þeim stöðum er Raufarhöfn. Hversdagslegt rými er leiksviðið, fólk að störfum og gestir og gangandi í hversdagslegum erindagjörðum verða leikarar og þeim sem sest í sætið býðst að verða áhorfandi og vonandi sjá hversdagsleikann í öðru ljósi. Líttu við í ráðhúsið og fylgstu með hversdagsleikanum á Raufarhöfn !

Næstkomandi þriðjudag (12. nóvember) ætla börnin í Grunnskóla Raufarhafnar að fara í Ásbyrgi og velja jólatré sem prýða á þorpið okkar á jólahátíðinni. Áætlað er að vera kl 13:50 í Byrginu. Öllum er frjálst að koma með og aðstoða við að velja tréð ! Ef veður leyfir verður boðið uppá kakó og smákökur á eftir.

Á dögunum var Bifröst, göngubrúin við Heimskautsgerðið á Raufarhöfn formlega opnuð. Brúin er frá bílastæðinu og uppí Heimskautsgerðið.

Á nýliðnum Menningardögum sem haldir voru á Raufarhöfn borðuðu íbúar og aðrir gestir saman í tvígang. Þriðjudaginn 1. október var boðið til súpuveislu sem Menningarnefndin galdraði fram, rétt í kringum 70 manns mættu og áttu góða stund saman. Á fimmtudeginum 3. október var hinsvegar blásið til kvöldskemmtunar þar sem íbúar komu saman með rétti frá ýmsum þjóðlöndum og settu á hlaðborð. Íslensku réttirnir voru í meirihluta en einnig voru dýrindis réttir frá Tékklandi, Danmörku, Mexico, Rúmeníu og Slóvakíu og svignaði veisluborðið undan kræsingum

Háskóli Íslands í samvinnu við stjórn Heimskautsgerðis, Þekkingarnet Þingeyinga og Atvinnuþróunarfélag Þingeyinga kom upp teljara við Heimskautgerðið í byrjun sumars 2019 en síðast var talið árið 2016. Eins og sjá má í skýrslu sem sett var saman hefur fjölgun ferðamanna aukist gríðarlega á þessum þremur árum. Heimskautsgerðið hefur greinilega mikið aðdráttarafl því ekki hefur veðrið sýnt sínar bestu hliðar þetta sumarið hér á norðausturhorninu en það hefur ekki stoppað ferðamennina.

Kíktu á dagskránna

Anna Guðný Guðmundsdóttir píanóleikari, Sigurður Ingvi Snorrason klarínettuleikari og Sigrún Hjálmtýsdóttir sópran, sækja Kópasker heim. Fjölbreytt og falleg dagskrá erlendra og íslenskra laga fyrir alla aldurshópa! Tónleikarnir eru haldnir í samstarfi við Tónaland, tónleikaröð á landsbyggðinni á vegum Félags íslenskra tónlistarmanna. Röðin er styrkt af Tónlistarsjóði. Tónleikarnir eru jafnframt þeir síðustu í tónleikaröð Flygilvina 2019, „Áfram skal haldið á sömu braut“, sem styrkt er af Uppbyggingarsjóði Norðurlands eystra og Tónlistarsjóði. Miðaverð er 2.000 kr, en ókeypis fyrir börn á grunnskólaaldri. Því miður er ekki unnt að taka við greiðslu með kortum. Flygilvinir – tónlistarfélag við Öxarfjörð

Norðurþing auglýsir eftir framboðum og tillögum um einstaklinga í hverfisráð Raufarhafnar. Gjaldgengir fulltrúar í hverfisráð eru allir einstaklingar 18 ára og eldri sem hafa lögheimili á nærsvæði viðkomandi hverfis í sveitarfélaginu. Greidd er þóknun fyrir fundarsetu fulltrúa í hverfisráðum. Nauðsynlegt er við val á fulltrúum í hverfisráð, að horft verði til fjölbreytileika sem endurspeglar samfélagið, þ.m.t. með tilliti til kynferðis, aldurs, uppruna og annarra samfélagsþátta. Tillögur um einstaklinga í hverfisráð berist skriflega á netfangið nanna@nordurthing.is eða í síma 8688647 FYRIR kl. 12:00 þriðjudaginn 20. ágúst 2019.

Miðvikudagur 26. Júní kl 11:00 í sal Grunnskólans verður sýnd leiksýning fyrir börn á öllum aldri Frítt inn fyrir alla.

Ársfundur Atvinnuþróunarfélags Þingeyinga ses. fer fram miðvikudaginn 29. maí nk. í félagsheimilinu Hnitbjörgum á Raufarhöfn. Dagskráin hefst kl. 12:30 með sameiginlegu málþingi félagsins og Þekkingarnets Þingeyinga undir yfirskriftinni “Þróun byggðar og atvinnulífs í Þingeyjarssýslu” þar sem starfsmenn stofnananna gera grein fyrir verkefnum sem nýtast báðum stofnunum. Kl. 13:45 verða Hvatningarverðlaun Atvinnuþróunarfélags Þingeyinga afhent í 16. sinn en tilgangur þeirra er að vekja athygli á því sem vel er gert í atvinnu- og byggðaþróun á svæðiu. Kl. 14:00 hefst svo ársfundur stofnunarinnar og er dagskrá skv. samþykktum svohljóðandi: 1) Skýrsla stjórnar 2) Staðfesting ársreiknings 3) Breytingar á stofnskrá (ef við á) 4) Kosningar: a) Kjör stjórnar b) Kjör endurskoðanda eða endurskoðunarfyrirtækis 5) Ákvörðun um þóknun stjórnar 6) Önnur mál Málþingið og fundurinn er öllum opinn og eru gestir boðnir velkomnir.