Félagsmiðstöðvar

Húsavík

Félagsmiðstöð ungs fólks á Húsavík er til húsa í Miðgarði 4 í húsi sem nefnist Tún. Umsjónarmaður er Dóra Hrund Gunnarsdóttir. Aðrir starfsmenn eru Fanný Traustadóttir, Anton Helgi Logason, Kristín Kjartansdóttir og Óskar Páll Davíðsson.

Starfið er ætlað ungu fólki á aldrinum 10 - 25 ára og er starfsemin skipulögð sem hér segir.

  • 10 – 12 ára hafa haft viðburðatengdan aðgang að húsinu. Það starf er skipulagt af umsjónarmanni og starfsmönnum.
  • 13 - 15 ára hafa aðgang að húsinu tvö kvöld í viku, mánudags og miðvikudagskvöld, frá 19:30 - 22:00, auk seinni parta til námskeiðahalds. Starfið er skipulagt af sex ungmennum á unglingastigi (Tún ráð)  í samstarfi við umsjónarmann og starfsmenn hússins.
  • 16 – 25 ára stendur til boða að hafa aðgang að húsinu í samráði við umsjónarmann. Nemendaráð Framhaldsskólans á Húsavík sér um skipulagningu á því í samráði við umsjónarmann.

 

Raufarhöfn og Öxarfjörður

Félagsmiðstöðin Blik á Raufarhöfn er til húsa í skólahúsnæði Grunnskóla Raufarhafnar.
Félagsmiðstöðin Beisið er til húsa í Öxafjarðarskóla.

Félagsmiðstöðvarnar eru ekki starfræktar reglulega en akstur á vegum sveitafélagsins sækir ungmenni eins og þörf er á svo ungmenni geti tekið þátt í starfinu á Húsavík. 

Félagasstarf fyrir börn á aldrinum 10-12 ára er unnið með samstarfi við Grunnskóla Raufarhafnar og Öxarfjarðarskóla.