Ferðafélagið Norðurslóð stendur fyrir Sléttugöngunni sem haldin er árlega um miðjan ágúst mánuð. Gengið verður frá Raufarhöfn í Blikalónsdal og norður eftir dalnum út í Blikalón.
Meira
Leikskólar
Norðurþing rekur leikskólann Grænuvelli á Húsavík, og samrekna leik- og grunnskóla í Öxarfjarðarskóla og Grunnskóla Raufarhafnar. Einnig er leikskóladeild á Kópaskeri sem tilheyrir rekstri leikskóladeildar Öxarfjarðarskóla. Í leikskólunum eru nemendur á aldrinum eins til sex ára. Um inntöku barna í leikskóla fer samkvæmt reglum leikskólanna þar um. Leikskólar Norðurþings starfa eftir lögum um leikskóla 2008 nr. 90, Aðalnámskrá leikskóla 2011.
Grænuvellir á Húsavík
Leikskólinn var opnaður í september 2007 þegar tveir eldri leikskólar voru sameinaðir, leikskólinn Bestibær og leikskólinn í Bjarnahúsi. Grænuvellir er sjö deilda leikskóli, deildirnar eru Árholt, Bali, Berg, Foss, Hóll, Tunga og Vilpa. Leikskólinn er opin frá 7:45 - 17:00.
Áhersluþættir í starfinu á Grænuvöllum eru:
- Virðing og vellíðan með áherslu á næringu, hreyfingu, leikgleði og lífsleikni.
- Betri grunnur, bjartari framtíð- snemmtæk íhlutun vegna hreyfiþroska leikskólabarna
- Frjáls leikur
- Markviss málörvun
- TMT- Tákn með tali
- Tónlist
- Útikennsla
Nánari upplýsingar um starfið er að finna í námskrá leikskólans á heimasíðu hans en það byggir að miklu leiti á hugmyndafræði John Dewey.
Einkunnarorð leikskólans eru hollusta, hamingja og heilbrigði.
Leikskóladeild Grunnskóla Raufarhafnar
Leikskóladeild er rekin innan Grunnskóla Raufarhafnar. Lögð er áhersla á heilsusamlegan lífsstíl og markvissa íþróttaiðkun nemenda. Leikskóladeildin er opin frá 7:45 - 16:00.
Vefur leikskóladeildar Grunnskóla Raufarhafnar
Leikskóladeildir Öxarfjarðarskóla á Kópaskeri og í Lundi
Öxarfjarðarskóli er samrekinn grunn- og leikskóli fyrir skólasamfélagið sem nær frá Kelduhverfi austur á Melrakkasléttu. Tvær leikskóladeildir starfa innan skólans, önnur er staðsett á Kópaskeri en hin í Lundi þar sem grunnskólinn er til húsa. Leikskóladeildin á Kópaskeri er starfrækt svo fremi sem að fjögur eða fleiri börn eru skráð í deildina 1. maí ár hvert vegna komandi skólaárs. Á sumrin er starfrækt ein leikskóladeild á Kópaskeri eða í Lundi eftir því hvar mestur fjöldi barna er hverju sinni. Leikskóladeildir Öxarfjarðarskóla eru opnar frá 7:45 – 16:00.
Nánari upplýsingar um starfið er að finna í námskrá leikskólans á heimasíðu hans en það byggir að miklu leiti á hugmyndafræði John Dewey og kenningum Lev Vygotsky.
Vefur leikskóladeildar Öxarfjarðarskóla
Starfs- og verklagsreglur
Starfsreglur leikskóla Norðurþings
Verklagsreglur Norðurþings vegna leikskóladvalar utan lögheimilissveitarfélags
Verklagsreglur Sambands sveitarfélaga vegna leikskóladvalar utan lögheimilissveitarfélags
