Fyrir sveitarstjórn liggur fundargerð 274. fundar byggðarráðs Norðurþings.
Til máls tók undir lið 2 "Farþegagjöld við Húsavíkurhöfn": Kristján, Guðbjartur, Örlygur, Hjálmar, Bergur og Kolbrún Ada.
Kristján leggur fram eftirfarandi tillögu: Á 274. fundi byggðaráðs bókaði Guðbjartur Ellert Jónsson um samning sveitarfélagsins og Norðursiglingar hf. um lúkningu skuldar vegna farþegagjalda. Eins og fram kemur í samkomulagi því sem vísað var til í bókuninni, þá viðhafði Norðursigling hf. allan áskilnað um að láta reyna á lögmæti gjaldsins fyrir dómstólum. Sveitarstjóri leggur til að málið verði tekið til umræðu og kynningar fyrir þeim sem fara með hagsmuni sveitarfélagsins. Lagt er til í kjölfar bókunarinnar og þeirrar opinberu umræðu sem henni hefur fylgt, að samantekt um málið og greining á þeim hagsmunum sem undir eru verði lögð fyrir. Stefnt skal á að kynna niðurstöðu slíkrar vinnu í upphafi nýs árs í byggðarráði Norðurþings.
Kristján leggur fram eftirfarandi tillögu:
Á 274. fundi byggðaráðs bókaði Guðbjartur Ellert Jónsson um samning sveitarfélagsins og Norðursiglingar hf. um lúkningu skuldar vegna farþegagjalda. Eins og fram kemur í samkomulagi því sem vísað var til í bókuninni, þá viðhafði Norðursigling hf. allan áskilnað um að láta reyna á lögmæti gjaldsins fyrir dómstólum. Sveitarstjóri leggur til að málið verði tekið til umræðu og kynningar fyrir þeim sem fara með hagsmuni sveitarfélagsins. Lagt er til í kjölfar bókunarinnar og þeirrar opinberu umræðu sem henni hefur fylgt, að samantekt um málið og greining á þeim hagsmunum sem undir eru verði lögð fyrir. Stefnt skal á að kynna niðurstöðu slíkrar vinnu í upphafi nýs árs í byggðarráði Norðurþings.
Sveitarstjórn samþykkir samhljóða tillögu Kristjáns.
Fundargerð er lögð fram til kynningar.