Sumarfrístund

Starfsfólk Sumarfrístundar 2019                                                                                    

Sími: 663-5290

Kristinn Lúðvíksson, Forstöðumaður – kristinn@nordurthing.is
Ágústa Gísladóttir – Frístundaleiðbeinandi
Arnór Heiðmann – Frístundaleiðbeinandi
Guðrún María – Frístundaleiðbeinandi

Hvað er Sumarfrístund ? 

Sumarfrístund er starfrækt á Húsavík fyrir 1. – 4. bekk. Markmiðið er að brúa bilið fyrir börn eftir að skóla lýkur að vori og fram að því að grunnskóli hefjist að nýju að hausti. Einnig hafa börn sem eru að fara hefja nám í 1. bekk grunnskóla aðgang að Sumarfrístund frá því að sumarleyfi leikskóla lýkur.

Boðið verður upp á metnaðarfulla dagskrá þar sem leikur, fjör, hreyfing, vettvangsferðir og ýmislegt fleira verður í boði.

Fyrir hverja og hvenær ?

3. júní – 5. júlí ( opið fyrir árganga 2009 -2012), 
6.ágúst - 23. ágúst (opið fyrir árganga 2010 - 2013). 

Fyrirkomulag Sumarfrístundar ?

Dagskrá Sumarfrístundar Norðurþings er yfir tímabilið 3. júní til 5. júlí, fer þá í sumarfrí samhliða leikskólanum og hefst aftur 6. ágúst til 23. ágúst og er frá 12:00-16:00. Dagskráin er skipulögð með þeim hætti að hver vika er tilgreint sem eitt námskeið – s.s. hvert námskeið er ein vika og þarf að skrá í hvert námskeið fyrir sig. 

Sumir dagar byrja eða enda annars staðar en í frístundarheimilinu og ætlast er til að mætt sé stundvíslega kl.12:00 og sótt að loknum degi kl.16:00. 

Hér má sjá dagkrá sumarsins.
ATH: Með fyrir fyrirvara um breytingar.


ATH: Sumarfrístund er ekki opin eftirtalda frídaga:
10.júní (annar í hvítasunnu).
17.júní
5.ágúst (frídagur verslunarmanna).

Hvar er Sumarfrístund ?
Heimahöfn Sumarfrístundar verður í frístundahúsnæði Norðurþings eða á efri hæð íþróttahallarinnar. Gert verður út þaðan nema í sérstaka tilfellum eins og vettvangsferðum eða einstaka námskeiðum. Þá er mæting á aðra staði sem tilgreint verður í þegar nær dregur.

Skráning og verð í Sumarfrístund

Skráning fyrir hverja viku þarf að berast fyrir kl. 23:59, á fimmtudagskvöldum fyrir komandi viku. 
Skráningar munu fara fram í gegnum Nórakerfið -  nordurthing.felog.isATH! Hafa þarf rafræn skilríki til að skrá í kerfið.

Verð fyrir hverja viku/námskeið fyrir sig er 7.000 krónur.
Ef valið er allt sumarið í einu er verðið 46.000 kr. (10.000 kr í afslátt miðað við að velja stakar vikur).
Hægt er að greiða með kreditkorti, Pei (app), eða fá sendan greiðsluseðil í heimabanka en þá bætist seðilgjald við hverja viku sem sótt er um.

ATH: borga þarf hverja viku fyrir sig, eða sækja um allt sumarið í einu.
Námskeið eru ekki endurgreidd ef að barn forfallast.

 

Algengar spurningar:

Hvað með forföll?
Foreldrar láta vita af forföllum í gegnum síma 663-5290 eða SMS eða á netfangið tun@nordurthing.is

- Er einhver sérstakur klæðnaður?
Ætlast er til að börn komi ávallt klædd eftir veðri og komi með þann klæðnað sem tilgreindur er í Nóra kerfinu.

- Hvar er Sumarfrístund?
Frístund er staðsett á efri hæð í Íþróttahöll Húsavíkur (Grænatorg).

- Hvernig greiðir maður?
Allar greiðslur fara fram í gegnum Nóra kerfið.
Þar er hægt að greiða með kreditkorti, Pei (app), eða fá sendan greiðsluseðil í heimabanka.

- Afsláttur?
- Systkinaafsláttur er 50% fyrir annað barn og 75% fyrir þriðja.
- 10.000 kr afsláttur ef skráð er á allt sumarið í einu lagi.