Aðalfundur Eyþings 2019

Málsnúmer 201911048

Byggðarráð Norðurþings - 308. fundur - 14.11.2019

Boðað er til aðalfundar Eyþings föstudaginn 15. og laugardaginn 16. nóvember n.k. Með fundarboðinu barst tillaga stýrihóps um endurskipulagningu landshlutasamtakanna sem fela í sér samruna þeirra og beggja atvinnuþróunarfélaganna á Eyþingssvæðinu, þ.e. Atvinnuþróunarfélags Eyfirðinga og Atvinnuþróunarfélags Þingeyinga.

Byggðarráð leggur til að nafnasamkeppni fari fram um heiti nýrra landshlutasamtaka og felur fulltrúum sveitarfélagsins að bera þá tillögu upp á aðalfundinum.
Fulltrúar Norðurþings verða; Silja Jóhannesdóttir, Kristján Þór Magnússon, Kolbrún Ada Gunnarsdóttir, Hjálmar Bogi Hafliðason og Birna Ásgeirsdóttir.