Samstarfsverkefnið Eimur

Bergur Elías óskar eftir að málið sé tekið fyrir á stjórnarfundi Orkuveitu Húsavíkur.
Orkuveita Húsavíkur hefur um þó nokkur ár verið aðili að framangreindum samstarfsvettvangi. Á heimasíðu félagsins er gert grein fyrir markmiðum þess, þar sem fram kemur að Eimur er samstarfsverkefni Landsvirkjunar, Norðurorku, Orkuveitu Húsavíkur og Samtaka sveitarfélaga og atvinnuþróunar á Norðurlandi eystra (SSNE). Markmið verkefnisins er að bæta nýtingu orkuauðlinda og auka nýsköpun í orkumálum á Norðausturlandi. Ætlunin með samstarfinu er meðal annars að byggja upp atvinnulíf og auka verðmætasköpun á svæðinu, með sérstakri áherslu á sjálfbærni, grænar lausnir, nýsköpun og hátækni. Fyrirtækið er staðsett á Akureyri og eru þar þrír starfsmenn með aðsetur.
Þess er óskað eftirfarandi verði lagt fyrir stjórnarfund Orkuveitu Húsavíkur ohf.
a. Yfirlit yfir alla þá fjármuni sem OH hefur lagt í verkefnið frá upphafi, sundurliðað niður á hvert ár fyrir sig.
b. Allar fundargerðir stjórnar verði lagðar fyrir fundinn frá upphafi.
c. Skriflegar og hnitmiðaðar upplýsingar um öll þau verkefni sem félagið Eimur hefur unnið að á starfssvæði Orkuveitu Húsavíkur, samstarfsaðilar, verkefnahugmynd og staða þeirra verkefna í dag

Framkvæmdastjóri Eims, Ottó Elíasson kynnir starfsáætlun og áherslur til næstu fjögurra ára ásamt samstarfsverkefni með Orkuveitu Húsavíkur ohf. til samþykktar. Einnig liggur fyrir að tilnefna varamann í stjórn Eims, verkefnastjóra og að hvort greiða eigi fyrir stjórnarsetu hjá Eim.