Erindi frá hverfisráði Raufarhafnar vegna Aðalbrautar 20-22 á Raufarhöfn

Borist hefur tillaga frá hverfisráði Raufarhafnar vegna lýsistanka á lóðinni Aðalbraut 20-22 á Raufarhöfn þess efnis, að byggðaráð Norðurþings geri bindandi samkomulag við hverfisráð Raufarhafnar þar sem fram kemur að Lýsistankarnir tveir á svokallaðri SR lóð á Raufarhöfn verði ekki seldir nema að undangengnu samþykki hverfisráðs Raufarhafnar eða samþykki íbúa sem færi fram með atkvæðagreiðslu hjá íbúum með lögheimili í póstnúmeri 675 og 676.