Ósk um gerð lóðarleigusamnings fyrir Höfðaveg 5

Árný Helgadóttir, f.h. SJM Söluráðgjafar, óskar eftir að útbúinn verði lóðarleigusamningur fyrir eignina að Höfðavegi 5 á Húsavík svo unnt sé að þinglýsa afsali eignarinnar.

Á 136. fundi skipulags- og framkvæmdaráðs var eftirfarandi bókað:

Á gildandi deiliskipulagi Höfðavegar er gert ráð fyrir sameiginlegri lóð Höfðavegar 5, 5a og 5b. Skipulags- og framkvæmdaráð leggur til við sveitarstjórn að útbúinn verði lóðarsamningur á grundvelli skipulagsins.

Þann 27. október s.l. samþykkti sveitarstjórn að gefa út lóðarleigusamning fyrir heildarlóð að Höfðavegi 5 til samræmis við deiliskipulag. Við nánari úrvinnslu málsins hefur komið í ljós að heppilegast er að gera ráð fyrir sjálfstæðri lóð undir hvert hús á svæðinu. Fyrir liggur tillaga skipulagsráðgjafa, að höfðu samráði við lóðarhafa, að uppskiptingu Höfðavegar 5 í þrjár lóðir, Höfðaveg 5, 5a og 5b.

Á 143. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að húseigendum á svæðinu verði boðnir lóðarsamningar á grundvelli fyrirliggjandi lóðarblaðs.