Ósk um framkvæmdaleyfi til að plægja niður jarðstreng í Kelduhverfi

Skipulags- og framkvæmdaráð telur að sé vel að verki staðið verði rask af völdum plægingar jarðstrengja á þessum leiðum fljótt að gróa upp. Hinsvegar er lega strengja um þétt varplendi fugla að hluta til og einnig farið yfir gjöfula veiðiá. Mikilvægt er að ekki verði farið um varplendi fugla fyrr en varpi og umsýslu hreiðra er lokið.

Skipulags- og framkvæmdaráð fer fram á að RARIK skili inn til sveitarfélagsins samþykki landeigenda fyrir strenglögnum um lönd þeirra. Framkvæmdaaðili skal hafa samráð við Minjastofnun Íslands vegna framkvæmdanna og skili til skipulagsfulltrúa umsögn Minjastofnunar Íslands vegna legu strengjanna. Ennfremur telur ráðið að skuli skila til skipulagsfulltrúa umsögnum Veiðifélags Litluárvatna og Fiskistofu vegna þverunar Litluár. Ráðið felur hinsvegar skipulags- og byggingarfulltrúa að afla umsagna Umhverfisstofnunar og Náttúruverndarnefndar Þingeyinga um strenglagningar áður en afstaða er tekin til erindisins.

Skipulags- og framkvæmdaráð telur að rask vegna fyrirhugaðra framkvæmda hverfi fljótt. Ráðið telur að nú liggi fyrir fullnægjandi umsagnir og samþykki landeigenda og heimilar skipulags- og byggingarfulltrúa að veita RARIK leyfi til framkvæmdanna, enda verði leiðbeiningum Minjastofnunar, Umhverfisstofnunar og Fiskistofu um umgengni og frágang fylgt.