Skoðun leikvalla Norðurþings 2023

Fjölskylduráð horfir til þess að eins og í norðurbæ Húsavíkur verði byggður upp einn leikvöllur í suðurbæ Húsavíkur. Áfram verði byggðir upp leikvellir á skólalóðum sveitarfélagsins. Þetta er liður í því að auka gæði leiksvæða sveitarfélagsins.

Fjölskylduráð samþykkir að leita samráðs við íbúa um framtíðarstaðsetningu leikvallar í suðurbænum.
Samráðið verði viðhaft á Betra Ísland og valkostirnir verði:
Uppsalavegur-Baughóll
Stórhóll
Hjarðarholtstún
Hólaravöllur
Annað
Niðurstöður samráðsins verði leiðbeinandi fyrir fjölskylduráð í ákvarðanatöku vegna framtíðarstaðsetningar leikvallar í suðurbænum.

Fjölskylduráð felur íþrótta- og tómstundafulltrúa að sjá til þess að leiktæki sem uppfylla ekki staðla verði fjarlægð af leiksvæðum sveitarfélagsins sem og að hefja undirbúning samráðs við íbúa um ofangreint.

Fjölskylduráð þakkar íbúum fyrir góða þátttöku í íbúasamráði um uppbyggingu leikvallar í suðurbæ. Ráðið samþykkir að leikvöllur í suðurbæ verði byggður upp á Hólaravelli og vísar málinu til skipulags- og framkvæmdaráðs til úrvinnslu.

Skipulags- og framkvæmdaráð vísar erindinu til fjárhagsáætlunargerðar fyrir árið 2025.