Umsókn um byggingarleyfi vegna breytinga á 2.hæð verbúða við Hafnarstétt 17, Húsavík

Verbúðir ehf óska eftir byggingarleyfi til breytinga á 2. hæð Hafnarstéttar 17 á Húsavík. Breytingarnar fela í sér að útbúnar verða 8 litlar íbúðir á efri hæðinni en neðri hæð verður óbreytt frá því sem nú er. Teikningar eru unnar af Arnhildi Pálmadóttur arkitekt. Hönnun hússins er að mestu í samræmi við það sem kynnt var á fundum ráðsins árið 2022. Þær hugmyndir voru kynntar á almennum íbúafundi 4. október 2022. Erindi felur í sér að sorpgeymsla og hjólaskýli byggjast austan fyrirliggjandi húss, og þar með utan byggingarreits. Það er m.a. gert til þess að lækka húsið miðað við Garðarsbraut. Hönnunin felur í sér umtalsverða landmótun milli verbúðarhúss og Garðarsbrautar. Sú landmótun er að verulegu leiti utan lóðar Hafnarstéttar 17 og leiðir m.a. til þess að 10 bílastæði við Garðarsbraut leggjast af.