Laus staða forstöðumanns í Vík íbúðakjarna

Félagsþjónusta Norðurþings auglýsir eftir framsýnum, metnaðarfullum og öflugum forstöðumanni í Vík íbúðakjarna þar sem unnið er eftir hugmyndafræðinni um sjálfstætt líf og þjónandi leiðsögn. Forstöðumaður skal vera leiðandi í þróun þjónustunnar og veita faglega forystu.
Starfsemi Víkur byggir á þjónustu við fatlað fólk á heimilum sínum.
Aðaláherslan er að veita íbúum aðstoð til sjálfstæðs- og innihaldsríks lífs, innan sem utan heimilis.

Ábyrgðarsvið:

• Faglegt starf í samvinnu við íbúa og aðstandendur, að íbúum sé veitt sú þjónusta og stuðningur sem þeir þarfnast í daglegu lífi
• Stendur vörð um réttindi íbúa ásamt því að efla möguleika þeirra til virkrar þáttöku í samfélaginu
• Daglegur rekstur, fjármál, stjórnun og starfsmannamál.
• Að þjónusta og starfsemi sé í samræmi við lög, reglugerðir og samþykkta verkferla.
• Að vera í samstarfi við aðra þjónustuaðila eftir því sem við á.
• Gerð vaktaáætlana.

Menntun- og hæfniskröfur:

• Háskólamenntun á sviði heilbrigðis-, mennta- eða félagsvísinda.
• Viðamikla reynslu af stjórnun.
• Framhaldsmenntun sem nýtist í starfi æskileg.
• Þekking og reynsla af starfi með fötluðu fólki með ólíkar þjónustuþarfir.
• Þekking og reynsla af sambærilegum störfum.
• Leiðtogahæfni, jákvæðni og þjónustulund.
• Frumkvæði, skipulagshæfni og sjálfstæði.
• Hreint sakavottorð.

Umsóknir ásamt starfsleyfi, ferilskrá og ítarlegu kynningarbréfi þar sem gerð er grein fyrir ástæðu umsóknar og hæfni til að gegna starfinu berast til Hróðnýjar félagsmálastjóra á netfangið hrodny@nordurthing.is
Nánari upplýsingar um starfið fást í gegnum sama netfang.
Farið verður með allar umsóknir og fyrirspurnir sem trúnaðarmál.

Umsóknarfrestur er til og með 5. janúar 2024