Norðurþing auglýsir starf Slökkviliðsstjóra laust til umsóknar
Leitað er að öflugum og reynslumiklum einstaklingi til að leiða fjölbreytta starfsemi slökkviliðsins. Í Norðurþingi eru þrjár slökkvistöðvar, á Húsavík, á Kópaskeri og á Raufarhöfn. Slökkviliðið er mjög vel tækjum búið og býr yfir sterkum starfsmannahópi með víðtæka þekkingu og reynslu.
Slökkviliðsstjóri er ráðinn af sveitarstjórn og heyrir beint undir sveitarstjóra í skipuriti sveitarfélagsins. Um 100% framtíðarstarf er að ræða.
Helstu verkefni og ábyrgð
- Dagleg stjórn og ábyrgð á rekstri slökkviliðsins
- Ábyrgð á faglegri starfssemi, ráðningum, fræðslu og þjálfun slökkviliðsmanna
- Umsjón húsnæðis, tækja og bíla
- Umsjón með almennum brunavörnum og eldvarnareftirliti, úttektir, umsagnir og eftirfylgni
- Stjórn slökkvistarfs og annarra útkallsverkefna
- Áætlanagerð og stefnumótun
Menntunar- og hæfniskröfur
- Löggilding sem slökkviliðsmaður sbr. 17. gr. laga nr. 75/2000 og að lágmarki þriggja ára reynsla í slökkviliði sem löggiltur slökkviliðsmaður eða hafa háskólamenntun með sérmenntun í brunamálum.
- Hafa lokið námi sem eldvarnaeftirlitsmaður sbr. 12. gr. reglugerðar nr. 792/2001 um Brunamálaskólann og réttindi og skyldur slökkviliðsmanna.
- Sjúkraflutningamenntun EMT-I eða EMT-A
- Reynsla af rekstri og stjórnun
- Reynsla og/eða haldgóð þekking á stjórnun slökkviliðs æskileg
- Þekking á yfirferð og eftirliti tækja og búnaðar æskileg
- Leiðtogafærni og rík færni í mannlegum samskiptum
- Góð skipulagsfærni, árvekni og öguð vinnubrögð
- Góð almenn tölvukunnátta
- Góð íslenskukunnátta og hæfni til að tjá sig í ræðu og riti
- Aukin ökuréttindi í ökuflokki C
Umsóknarfrestur er til og með 7. apríl 2026.
Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.
Nánari upplýsingar veita Sigríður Ólafsdóttir; sigga@mognum.is og Telma Eiðsdóttir telma@mognum.is
Laun og starfskjör eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag.
Sótt er um starfið hér í gegnum www.mognum.is