Bæjarráð Norðurþings
Dagskrá
1.Brothættar byggðir - íbúaþing í Öxarfirði
Málsnúmer 201601068Vakta málsnúmer
Silja Jóhannesdóttir kom inn á fundinn og kynnti frumniðurstöður fundarins sem haldinn var í Lundi sl. helgi. Jafnframt voru næstu skref í málinu kynnt fyrir bæjarráðsmönnum.
Bæjarráð þakkar Silju kærlega fyrir kynninguna og óskar henni góðs gengis í starfi verkefnisstjóra Brothættra byggða innan Norðurþings.
2.Samgöngustofa - ósk um umsögn um staðsetningu ökutækjaleigu
Málsnúmer 201601066Vakta málsnúmer
Fyrir bæjarráði liggur erindi frá Samgöngustofu þar sem óskað er umsagnar vegna umsóknar Þorvaldar Þórs Árnasonar fyrir hönd Bílaleigu Húsavíkur ehf. um að reka ökutækjaleigu að Garðarsbraut 66-68, Húsavík
Bæjarráð veitir erindinu jákvæða umsögn.
3.Veiðifélag Deildarár/Aðalfundarboð 2016
Málsnúmer 201601067Vakta málsnúmer
Fyrir bæjarráði liggur boð á Aðalfund Veiðifélags Deildarár, fimmtudaginn 28. janúar kl 17.
Bæjarráð felur bæjarstjóra, en til vara Óla Halldórssyni að fara með umboð Norðurþings á fundinum.
4.Nemendafélag Framhaldsskólans á Laugum óskar eftir stuðningi við Tónkvíslina 2016
Málsnúmer 201601069Vakta málsnúmer
Fyrir bæjarráði liggur erindi frá Nemendafélagi Framhaldsskólans á Laugum, er óskar eftir stuðningi við Tónkvíslina 2016.
Bæjarráð samþykkir að styrkja samkomuna um 150.000,-kr.
5.Málefni Höfða 24c
Málsnúmer 201511025Vakta málsnúmer
Fyrir bæjarráði liggur samþykki Fasteignafélags Húsavíkur á gagntilboði Norðurþings og Leikfélags Húsavíkur í fasteignina að Höfða 24c, upp á 15.000.000,-kr.
Bæjarráð staðfestir sölu á fasteigninni Höfða 24c.
6.Könnun: Þjónusta sveitarfélaga 2015
Málsnúmer 201601043Vakta málsnúmer
Bæjarráð var uppýst um könnun á þjónustu sveitarfélagsins á árinu 2015, sem framkvæmd var af Gallup í desember sl.
Lagt fram.
Fundi slitið - kl. 10:15.