Byggðarráð Norðurþings
Dagskrá
Bergur Elías sat fundinn í fjarfundi.
1.Umræða um verkefnið Brothættar byggðir í Norðurþingi
Málsnúmer 202003053Vakta málsnúmer
Sveitarstjóri óskar eftir umræðu um stöðuna á verkefninu Öxarfjörður í Sókn.
Umræðum verður framhaldið á næsta fundi byggðarráðs og sveitarstjóra falið að taka saman minnisblað um stöðu verkefnisins.
2.Opnunartími stjórnsýsluhúsa Norðurþings sumarið 2020
Málsnúmer 202005106Vakta málsnúmer
Sveitarstjóri kynnir fyrirkomulag opnunartíma í stjórnsýsluhúsa í Norðurþingi sumarið 2020.
Stjórnsýsluhús Norðurþings á Húsavík, Kópaskeri og Raufarhöfn verða lokuð frá 20. júlí til og með 3. ágúst nk. vegna sumarleyfa.
Sveitarstjóra falið að auglýsa lokunina.
Sveitarstjóra falið að auglýsa lokunina.
3.Ósk Hjólreiðafélags Akureyrar um lokun Mararbrautar 20. júní n.k.
Málsnúmer 202006002Vakta málsnúmer
Hjólreiðarfélag Akureyrar sendir inn erindi um lokun Marabautar 20. júní n.k. vegna hjólareiðamóts sem endar á Húsavík.
Byggðarráð tekur vel í erindið og hvetur Hjólreiðafélag Akureyrar að vinna málið áfram í góðu samstarfi við lögreglu og Vegagerðina. Viðburðurinn verður auglýstur á heimasíðu sveitarfélagsins og samfélagsmiðlum.
4.Matarbíll Evu Laufeyjar á Húsavík
Málsnúmer 202005103Vakta málsnúmer
Eva Laufey ferðast um á merktum matarbíl og kemur til Húsavíkur þann 19. júní nk. Hún heimsækir bæjarfélög og heldur sína eigin matarhátíð. Hún fær hjálp heimafólks að finna bestu hráefnin sem annað hvort eru ræktuð eða framleidd á svæðinu. Hún heldur síðan veislu með bæjarbúum um kvöldið á hverjum stað.
Byggðarráð býður Evu velkomna til Húsavíkur og hvetur bæjarbúa til að taka þátt í matarhátíðinni. Hátíðin verður kynnt á heimasíðu sveitarfélagsins og samfélagsmiðlum.
5.Fundarboð aðalfundar Sparisjóðs Suður-Þingeyinga þann 10. júní nk.
Málsnúmer 202005132Vakta málsnúmer
Boðað er til aðalfundar Sparisjóðs Suður-Þingeyinga ses. miðvikudaginn 10. júní n.k. í Ýdölum.
Byggðarráð felur Kolbrúnu Ödu að fara með umboð sveitarfélagsins á fundinn. Hafrún Olgeirsdóttir til vara.
6.Aðalfundur Landskerfis bókasafna hf. 2020
Málsnúmer 202005141Vakta málsnúmer
Landskerfi bókasafna hf. boðar til aðalfundar fimmtudaginn 11. júní klukkan 14:30 á Landsbókasafni Íslands - Háskólabókasafni, Reykjavík.
Fyrir byggðarráði liggur fundarboð, ársreikningur fyrir 2019 og samþykktir Landskerfi bókasafna.
Fyrir byggðarráði liggur fundarboð, ársreikningur fyrir 2019 og samþykktir Landskerfi bókasafna.
Byggðarráð leggur til við Menningarmiðstöð Þingeyinga, sem sér um rekstur bókasafna Norðurþings, að sendur verði fulltrúi á aðalfund Landskerfa bókasafna hf. á kostnað sveitarfélagsins.
7.Fundargerðir Markaðsstofu Norðurlands 2020
Málsnúmer 202002023Vakta málsnúmer
Fyrir byggðarráði liggja þrjár fundargerðir stjórnar Markaðsstofu Norðurlands frá maí sl.
Lagt fram til kynningar.
Fundi slitið - kl. 09:30.