Félags- og barnaverndarnefnd Norðurþings

Félagsmálastjóra falið að vinna drög að framkvæmdaráætlun sem lögð verður fyrir næsta fund nefndarinnar.

Málefnum fatlaðra hefur verið sinnt á margan hátt til fyrirmyndar í sveitarfélaginu þar sem lífsgæði og vellíðan einstaklinga hefur aukist til muna. En því miður er skortur á úrræðum einnig til staðar og má sjá að í nánustu framtíð þarf sveitarfélagið að gera miklar úrbætur í búsetuúrræðum þar sem þörfin er gríðarlega mikil.

Fyrir fundin var lög fram framtíðarsýn í búsetumálum fatlaðra, lögð er áhersla á að hún verði höfð að leiðarljósi þegar unnið er að búsetumálum fatlaðra í sveitarfélaginu. Framtíðarsýnin samræmist lögum og reglugerðum um búsetu.

Nefndin telur að hægt sé að leysa brýnasta vandann með kaupum á hentugu húsnæði sem leyst gæti bráðabrigðashúsnæði skammtímavistunarhúsnæði af hólmi og myndi einnig henta þeirri starfsemi sem sinnt er í Miðjunni í dag. Nefndin telur að til framtíðar megi ná fram mikilli fjárhagslegri hagræðingu með því að reka skammtímavistun og Miðjuna í sama húsnæði sem væri í eigu sveitarfélagsins. Í dag eru greiddar kr. 230 þúsund í leigu fyrir Miðjuna sú upphæð nýtist í afborganir af húsnæðisláni fyrir þá starfssemi.
Vert er að benda á að með þessari hagræðingu opnast búsetu úrræði í Sólbrekku fyrir þá fimm einstaklinga sem nú þegar eru í brýnni þörf fyrir búsetu sem sveitarfélagið getur ekki mætt eins og staðan er í dag og þessir einstaklingar eru því ekki að njóta lögbundinna þjónustu.

Félagsmálastjóra falið að taka saman gögn til stuðnings erindinu fyrir bæjarráð.