Fjölskylduráð

Fjölskylduráð þakkar Huld Hafliðadóttir fyrir kynninguna á námskeiðinu "Gullkistan - sjálfsefling fyrir stúlkur" sem mun hefjast 6.febrúar.
Ráðið áætlar að fá Huld til fundar við sig eftir að námskeiðinu er lokið og fara yfir hvernig til tókst. Ráðið telur námskeið af þessu tagi mikilvægt í nútíma samfélagi.

Fjölskylduráð leggur til að almennur opnunartími í skíðalyftu við Reyðarárhnjúk verði eftirfarandi:

Mánudaga er lokað.
Þriðjudaga - föstudaga verður opið frá 15:30 - 19:00.
Um helgar verði opið frá 13:00 - 17:00.

Ráðið felur íþrótta- og tómstundafulltrúa að virkja aðgengi að upplýsingum um opnunartíma.

Ráðið minnir á að stakan dag verður hægt að greiða í lyftuskúr við Reyðarárhnjúk.
Árskort eru seld í afgreiðslu Sundlaugar Húsavíkur. Gjaldskrá Skíðasvæðis má finna á vef Norðurþings www.nordurthing.is/is/stjornsysla/skjol-og-utgefid-efni/gjarldskra-prufa

Gjaldskrá tekur gildi 1. febrúar 2020.

Fjölskylduráð hélt áfram að fjalla um rekstur mötuneyta í leik- og grunnskóla á Húsavík. Ráðið fól á 53.fundi ráðsins fræðslufulltrúa að kanna leiðir til þess að hagræða í viðkomandi rekstri.

Fræðslustjóri gerði grein fyrir stöðu málsins og honum falið að leita ráðgjafar.

Ráðið heldur áfram umfjöllun sinni um endurskoðun á Skólastefnu Norðurþings en ráðið fjallaði um sama mál á 53. fundi ráðsins.

Myndaður verður 9 manna stýrihópur sem skipaður verður af fjölskylduráði með fulltrúum frá leik-, grunn- og tónlistarskóla og samfélaginu. Starfsmaður stýrihópsins verður fræðslufulltrúi.

Stefnt er að því að fyrsti fundur hópsins verði í febrúar þar sem að fullrúi Tröppu mun fara yfir skipulag vinnunar. Einnig er stefnt að því að halda íbúafund í lok febrúarmánuðar.

Fjölskylduráð hélt áfram umfjöllun sinni um skólastarf austan Húsavíkur.

Fært í trúnaðarmálabók.