Fara í efni

Fjölskylduráð

154. fundur 30. maí 2023 kl. 08:30 - 10:10 í stjórnsýsluhúsi Norðurþings
Nefndarmenn
  • Helena Eydís Ingólfsdóttir formaður
  • Bylgja Steingrímsdóttir aðalmaður
  • Hanna Jóna Stefánsdóttir aðalmaður
  • Ingibjörg Benediktsdóttir aðalmaður
  • Rebekka Ásgeirsdóttir varaformaður
  • Ingibjörg Hanna Sigurðardóttir áheyrnarfulltrúi
Starfsmenn
  • Hermína Hreiðarsdóttir Ritari
  • Nele Marie Beitelstein fjölmenningarfulltrúi
  • Sólveig Ása Arnarsdóttir
Fundargerð ritaði: Hermína Hreiðarsdóttir stjórnsýslufulltrúi
Dagskrá
Bylgja Steingrímsdóttir vék af fundi undir lið 3 og kom Unnsteinn Júlíusson í hennar stað.
Ingibjörg Hanna Sigurðardóttir vék af fundi undir lið 3.

Jónas Halldór Friðriksson frá Völsungi, Sigríður Valdís Sæbjörnsdóttir, og Unnur Ösp Guðmundsdóttir frá leikskólanum Grænuvöllum sátu fundinn undir lið 1.

Sólveig Ása Arnarsdóttir, verkefnastjóri á íþrótta- og tómstundasviði, sat fundinn undir liðum 1-2 og 4.
Nele Marie Beitelstein, fjölmenningarfulltrúi, sat fundinn undir liðum 3-4.

1.Samþætting skóla og frístundastarfs - starfsemi

Málsnúmer 202302039Vakta málsnúmer

Til kynningar er ársskýrsla um samþættingu skóla og frístundarstarfs 2022-2023.
Fjölskylduráð samþykkir að verkefnið muni halda áfram og mun fjalla aftur um málið á næstunni.

Lagt fram til kynningar.

2.Ársskýrsla HSÞ 2022

Málsnúmer 202305097Vakta málsnúmer

Fyrir fjölskylduráði liggur til kynningar ársskýrsla HSÞ fyrir árið 2022.
Lagt fram til kynningar.

3.Listamaður Norðurþings 2023

Málsnúmer 202304052Vakta málsnúmer

Umsóknarfrestur um listamanns Norðurþings rann út 21.maí síðastliðinn. Samkvæmt reglum um listamann Norðurþings mun fjölskylduráð velja úr innsendum umsóknum og útnefna listamann Norðurþings 17.júní 2023.
Bylgja Steingrímsdóttir og Ingibjörg Hanna Sigurðardóttir véku af fundi undir þessum lið. Unnsteinn Júlíusson sat fundinn í stað Bylgju.

Fjölskylduráð velur listamann Norðurþings 2023 úr þeim umsóknum sem bárust í ár.
Listamaður Norðurþings 2023 verður kynntur við hátíðalega athöfn 17. júní. Bókun ráðsins er færð í trúnaðarmálabók.

4.Gilitrutt - sýning Leikhópsins Lottu á Húsavík

Málsnúmer 202303045Vakta málsnúmer

Fjölskylduráð samþykkti þann 23. maí að það teldi að það myndi ganga upp að hafa eina sýningu miðað við reynslu fyrri ára og fellst ekki á að kaupa aðra sýningu.

Eftir að hafa tilkynnt þessa ákvörðun gerði leiklistarhópurinn Lotta enn og aftur ljóst að nú eru aðeins tveir möguleikar í boði fyrir sýningar á Mærudag:

1) Aðgangur er ókeypis og eru tvær sýningar
2) Fólk greiðir sjálft aðgangseyri og það er ein sýning.

Fjölskylduráð hafði áður samþykkt að greiða eina sýningu og gisti- og ferðakostnað, en miðað við breyttar forsendur frá Leikhópnum Lottu samþykkir ráðið leið 2 sem felur í sér að Norðurþing greiðir gisti- og ferðakostnað Leikhópsins.

Fundi slitið - kl. 10:10.